شدنىاليوم خبر اوردته وحده من وكالات الأنباء
عن افتتاح الرئيس الفرنسي قاعده عسكريه دائمه (وحط خطين تحت دائمه) في ابوظبي ...هو ايه العباره

بالأمس القريب قاعدة العديدالأمريكيه في قطر وقاعده في الكويت والنهارده قاعده فرنسيه في الإمارات ده غير القواعد المتبعتره في كل حته ومحدش واخد باله منها..

انا مش فاهمه إزاي الحكومات العربيه لسه عندها ثقه بالدول الغربيه وتديها اراضيها تحتلها ..آسفه قصدي تعمل عليها قواعد دائمه
هم مش شافو امريكا عملت ايه في العراق وافغانستان ده غير الأسلحه اللي ادتها لإسرائيل علشان تدمر غزه ولبنان
امتي حيفهم العرب ان الدول الغربيه ملهاش صاحب بتجري ورا مصلحتها وبس
انا مش بقول يتحدو العرب ضد امريكا .. معاذ الله نعادي امريكا طب ازاي ميصحش برضو ..
انا بس بقول يعني يفكرو لبعيد شويا يعملو مع الدول الغربيه صحبه بس من بعيد لبعيد
بلاش يجيبو الدب لكرمهم

آسفه على الإطاله مكنش قصدي أوجع دماغ حد بس فكره جت في دماغي وحبيت اطلعها احسن تعملي قلق
وياريت اي حد فاهم حاجه او شايف حاجه انا مش شيفاها يعمل فيها جامد
ويرد يفهمني إيه المصلحه المستخبيه ورا القواعد العسكريه في بلادنا العربية ولا هي موضه والسلام