الموضوع: ازاى نتعامل مع برنامج الفوتو شوب ... ؟ ؟ ؟

السلام عليكم ورحمة الله وبركاته

هنبدأ اليوم بشرح شوية حاجات للفوتو شوب

ازاى نتعامل مع برنامج الفوتوشوب و كده

ديه مش هتبقى دورة ولا حاجه .... صيحو هو اللى هيعمل لكم الدورة ان شاء الله


بس لان فى كتير سالونى على الحاجات ديه فقولت بدل ما اشرح لكل واحد على حدى فى الماسينجر

نشرح للكل ... والكل يستفيد ...





اولا : ازاى نفتح البرنامج ....

نفتح قائمة start

وبعدين all programs

وبعدين ندور على الفوتو شوب



ندوس عليه هيفتح لنا البرنامج ....




طيب ازاى نفتح عمل جديد :

احنا فتحنا البرنامج الوقتى

هنبص فوق كده عند الحته ديه



هندخل على قايمه file ..... اول قايمه
وهنختار new



هيطلع لى ويندو زى ديه ...



1- بنكتب فيه اسم العمل بتاعنا

2-العرض

3- الطول

4-الوضوح

5- الالوان والافضل RGB

6- الخلفيه بتاعتى :

7- خلفيه بيضا

8- خلفيه ملونه

9- خلفيه شفافه

وبعد ما نظبط اختيارتنا للتصميم بندوس ok




ثالثا : ازاى نحفظ العمل بتاعنا


من قائمة file
وهنختار save
هيطله لنا ويندو بالشكل ده


1- نختار المكان اللى هنحفظ فيه

2- الاسم اللى هنحفظ بيه

3- الصيغه وديه اهم شئ بقا

لو التصميم بتاعك لسا مش خلص وهترجع له تانى يبقى نحفظه بــ PSD

لو خلص وعايز تحفظه خلاص يبقى JPG

لو التصميم فى جزء شفاف يبقى PNG

[font=arial]مثال على الخلفيات





[size=14pt]* الخلفية الملونة بتاخد اللون اللى انا مختاراه عندى فى صندوق الادوات فى الجزء المخصص للالوان

* الخلفية الشفافه مش هتطلع مربعات كده بعد الحفظ
لأ هتاخد لون الصفحه اللى انت هتحطها عليها
يعنى مثلا الصورة اللى جايه ديه هيا هيا الصورة اللى انا حفظتهالكم فوق جنب الخلفيات الملونه بس بعد الحفظ



ولازم تكتب عليها حاجه او تعمل اى حاجه فيها عشان ترضى تتحفظ

يعنى مثلا نكتب عليها اسمنا ونرفعها

كده الدرس انتهى ...



مطلوب منكم ... تعملو 3 خلفيات واحده بيضا ....واحده ملونه ..... وواحده شفافه
الطول 200 وعرض 200
وتحفظوهم على الجهاز
طبعا البيضا والملونه هتتحفظ بjpge
و الشفاشه بــ png
وترفعوهم على موقع رفع وتنزلوهم هنا بالموضوع

اى سؤال انا تحت امركم

اتمنى انى اكون قدرت اوصل لكم المعلومة

ان اصبت فمن الله

وان اخطأت فمن نفسى ومن الشيطان

رد بالفيس توك يا معنمممم

تسلم الايادى ياقمر

يارب اعرف اعمل الواجب

شكرا على الافادة يا قمر

تسلم ايدك يا نهى
مانتحرمش ابدا
بقولك ايه انا عاوزه اكون تلميذه عندك :]
بجد انا بحاول اتعلم الفوتوشوب معاكم ولوحدى بردو وقريب ان شاء الله هبقى معاكى فى المسابقات الجايه بأذن الله

المشاركة الأصلية اتكتبت عن طريق جيفارا

تسلم الايادى ياقمر

يارب اعرف اعمل الواجب

تسلمى يا حبيبتى ... مستنياكى اهو

المشاركة الأصلية اتكتبت عن طريق منمونة

شكرا على الافادة يا قمر

العفو يا حبيبتى ... وهاستنى منك التطبيق ان شاء الله

المشاركة الأصلية اتكتبت عن طريق بنت العمده

تسلم ايدك يا نهى
مانتحرمش ابدا
بقولك ايه انا عاوزه اكون تلميذه عندك :]
بجد انا بحاول اتعلم الفوتوشوب معاكم ولوحدى بردو وقريب ان شاء الله هبقى معاكى فى المسابقات الجايه بأذن الله

يا قمر واحنا نطول يبقى عندنا تلاميذ بالسكر ده

ده انتى تشرفينى

و يالا مستنيه تطبيقك ....

بصى يا نهى معلش بقى انا هدوشك وهتعبك معايا لان انا لسه فى الاول خاااااااااااالص

بس انا جيت اعمل زى ماقولتى وكل اما اجى احفظ بش بلاقى كلمه حفظ مش عارفه ليه

او بلاقيها بس مخفيه كده

طيب ماشى .... دوسى على save as واعملى اللى قلنا عليه

وجربى كده وقولى لى

و ااسألى برااااااااااااحتك جدا ومايهمكيش

ما هو save و save as بردو مخفيين والمشكله انا بعمل بالظبط كل اللى قولتى عليه
وبيظهر التصميم وبردو المشكله فى الحفظ مش عارفه بقى فى حل للكلام ده ولا ايه

save as كمان .... غريبه

طب يا قمر ماتقلقيش

جربى save for web هيطلع لك ويندو بس مختلفه شوية

اختارى منها الصيغه ودوسى save وماتلعبيش فى حاجه تانى

بردو مش نافعه معلش يا حبيبتى تعبتك معايا
واض ان البرنامج نفسه مش مظبوط انا مسحته من عالجهاز خالص
فلو مفيش رخامه تقوليلى على برنامج احمله تانى غيره يمكن ينفع ولا حاجه
او تقوليلى على مكانه احمله منه وكده ماشى ياقمر ربنا يجازيكى كل خير

موضوع جميل اوى يانهى بجد
تسلم ايدك
فى ناس كتير هتستفيد منه ان شاء الله
بنت العمدة على فى الغالب المشكلة دى مش بتبقى من البرنامج ولا حاجة البرنامج ملوش ذنب هو بيبقى من الشغل بتاعك نفسه يعنى بتبقى حاجة فى التصميم اللى بتعمليه هى اللى بتخلى سيف مش متفعلة
بس خلاص مدام مسحتيه خلاص بقى كنت هقولك هاتيلى صورة ديسك توب بالبرينت اسكرين للبرنامج وانتى فاتحة بتاعت السيف
بس حصل خير جربى تانى وشوفى

اوكى يا قمر تسلميلى يارب اانا مسحته خالص بس يالا هحمله تانى وخلاص :]
بس انا ما ماعملتش غير اللى نهى قالته والله لان انا لسه محملاه ومسطباه قريب
ربنا يجازيكو كل خير

الف الف شكر يانوهي عالمجهود الجمد ده

انا والله اتعلمت واعرف اعمل الواجب

بس الهارد الكبير اللي فيه البرنامج اتفيرس وشغالين ع الهارد الصغير

ان شاء الله لما احمد يحطهولي هعمل الواجب

ربنا يخليكي لينا يارب ياقمر

ومعلش تعبناكي معانا