السلام عليكم ورحمه الله وبركاته


اولا انا سعيد جدا لكونى موجود معكم فى المنتدى الجميل

وبعيدا عن الخوض فى تفاصيل ممله عن سبب وجودى معكم
(نتكلم بالعامى عشان تبقا اسهل)

انا الحمد لله يرجع الفضل لربنا فى وصولى لمستواى المتواضع
ومن بعده لأستاذى العظيم الذى علمنى الكتابه
وعلمنى برده ايه اهميه الكتابه
وكان مساعدته ليا كانت عشان عايز يساعد بس

ودا اللى انا اتعلمته منه....انا هنا عشان اساعدكم بس
مش عشان حاجه تانيه ابدااااااااااااا



ندخل فى الدوره....ايه هى الدوره

هى مش مجرد موضوع عن مقومات الخاطره...........

لااااااااااااا

هى مساعده حقيقيه عشان تكتبت.......فيها مقومات الخاطره بطريقه سلسه جدا

وفيها مساعدات عشان الكتابه...........وفيها انك تدخل هنا وتسئل..وتكتب جزء من خاطرتك لو عايز مساعده

وهيفض الموضوع متجدد بكم..............ملحوظه(الابيات هنا من كتاباتى)



ندخل فى الموضوع .........

ايه هى الخاطره؟.........

بالتعريف بتاعها.....
شلال الشعور الدافئ....احساس من القلب...حاجه انت حاسسها كويس...مش لازم تكون تجربه شخصيه لا...ممكن حد يكتب...عن واحده بيحبها..مين هى........واحده من خياله هو.........ودا اللى كتب فيه معظم الشعراء...ما كنوش بيحبوا كل يوم من حياتهم بنت...كانو بيحبو فى كل يوم من خيالهم بنت............يعنى الخاطره حاجه حاسسها كويس من قلب...

امال اذاى اتسمت خاطره...الخاطره هى ما يزور خاطرك (عقلك يعنى)من كتر ما انت حاسسها بقلبك...اتأثر عقلك بالتفكير فيها....فخرجت على صوره كتابه....شىء طبيعى..الواحد مثلا لما بيحب بقلبه..بيفضل يفكر فى اللى بيحبه بعقله...صح؟


طب فى سؤال بيفرض نفسه...........ايه الفرق بين الخاطره والشعر...؟؟

الشعر كلمات مقيده؟........مقيده اذاى....مقيده بوزن وقافيه ولحن...زى(وعاوزنى انا بقا من جمالك ماتأثرشى...لا يا حبيبى حقيقى انا ما اقدرشى)
فيها وزن...وفيها قافيه...ولازم تتكتب بلحن..عشان ما يطلعش بيت مكسور


لكن الخاطره ودا موضوعنا النهارده........

وما يميز الخاطرة بأنها غير محددة برتم أو وزن موسيقي معين أو قافية 00
حره جدا....بعيده خالص...عن وزن او قافيه......................
...زى اسطوره انا من اساطير اليونان..
...نهر متدفق الى الخلف............
وعجب لامرى الزمن............
كيف لم اشيخ بعد....!!........

ما فيش وزن خالص...ولا فى قافيه...ولا فى وزن موسيقى...
لا الخاطره محرره عن كل دا........................................عشا ن كدا اسهل من الشعر...ويمكن يكون فى سهولتها صعوبه..!!
ليه؟....لان الشعر انت عارف انك لازم تمشى على الوزن دا للاخر..........هتفضل تدور على كلمه بالوزن دا....لكن الخاطره...انت مطلوب منك انك تطير بخيالك بعيد عن اى وزن....عشان الخاطره تبقا حلوه


طيب اذاى اكتب خاطره.........الخاطره بتعتمد على التشبيهات الجماليه......والتصويرات....يع نى كل ما كانت فيها تصويرات جماليه كل ما كانت احلى
يعنى مثلا انا عايز اقول انى بدور عليكى يا حبيبتى...اقولها اذاى

انقب عنك يا حبيبتى
فانتى بالنسبه لى اغلى من كل الكنوز واغلى من كل المعادن
جوهره من الماس...نقيه.....اسفل ذرات الرمال
اسمحى لى ان امسح من عليكى ذرات الرمال......!!

شرح بسيط...انا قلت انقب عنك...كنايه عن البحث...والصعوبه فى انى الاقيها
طب حد يقولى بتدور على حبيبتك اسفل ذرات الرمال(مش دا التنقيب)
رديت عليه فى الخاطره عشان اوضح...وعشان الصوره تكون متكامله
فانتى بالنسبه لى اغلى من كل الكنوز وكل المعادن........فيها ايه...طب ما الكنوز والمعادن اتدفنت اسفل ذرات الرمال
يعنى ذرات الرمال مش عيب...وكمان وضحت حبيبتى ايه هى...جوهره من الماس..اسفل ذرات الرمال....حتى لو تحت الرمله فهى جوهره
واحد بايخ يقولى..انا مش مقتنع برده انها جوهره تحت الرمال..هقله انا رديت ووضحت...تحت ذرات الرمال..برده كنايه عن الزمن..الى تعب حبيبتى فقلت
اسمحى لى ان امسح من عليكى ذرات الرمال......!!

حد كان فاهم يا ترى...ان الجزء الصغنن فى الخاطره كان فى كل دا؟؟؟؟؟؟؟؟؟؟؟؟

يعنى اساس الخاطره ...كل اساساها فى التشبيهات الجماليه.....والتصويرات
كل ما تكون فيها تصويرات جماليه كل ما تكون احلى........................وكل ما تكون فيها تصويرات وتشبيهات مبتكره كل ما كانت احلى واحلى
وكل ما ثبت ان ليكم مواضيع.... :]
طبعا اصعب حته فى كل حاجه حته مبتكرررررررره
فى القصص لازم تكون مبتكره وفى الخواطر لازم تكون مبتكره...ليه؟؟؟؟؟
عشان لو انت جبت حاجه مبتكره هتبهرنى.............هقول انت رهيب....انا اول مره اقرأ التشبيه دا...انت عبقرى
لكن لو جبتلى حاجه متعود عليها......هقول قريتها كتير
زى مثلا..............واحد عايز يقول ان حبيبته بتهرب منه ومن حبه
يقووووووووووووووووول"""حبي تى لماذا تهربين منى (مفيش ابتكار)
انا اقووووول"""""حبيبتى لماذا تهربين منى وكأنى شيطان اصيبك بلعنات العار(مبتكره)

يبقا لما تكون مبتكره تكون احلى كتيييييير
زى برده: واحد عيز يقول لحبيبته انه كسرت احلامه ودا فى حد ذاته تشبيه(صور الاحلام بشىء مادى يكسر)بس اتعودنا عليه لدرجه بقا قديم
وبقينا نقوله فى كلامنا العادى
هووو يقوووووووول"حبيبتى حطمتى قصور احلامى(بس مش مبتكره برده)
انا اقووووووووووول"احلامى كانت كبرجى تجاره عالمى...فكيف حطمتيه بطائرتك(دا مبتكر) كمان فى ربط بالزمن المعاصر



طيب انا وضحتلكم بالكلام العامى...اهم حاجات فى الخاطره فى نقاط سريعه"
1_...ان الخاطره بعيده عن الوزن والقافيه
2_الخاطره تعتمد على التشبيهات والصور الجماليه
3_كل ما كانت الخاطره فكرتها مبتكره..او التشبيهات مبتكره كل ما كانت احلى


رقم اربعه بقا..........الخلفيه الثقافيه للكاتب..او الشاعر
بتفيد يا ترى؟؟............وايه هى الخلفيه الثقافيه
مش عارف لو حد قرألى فارس فى عصر تبخر من الفرسان....دا لو حد بيقرالى حاجه يعنى :]
هيلاقى.............
اميره فى زمن الحكم فيه للاقوى
تحكمين روما
وتملكين الشرق
بكنوزه وسحره

انا جايب سيره روما......والشرق...دى حاجه جميله
الخلفيه الثقافيه...............
ممكن تكتب لواحده وانت عارف معلومات بلد ايطاليا مثلا
اتذكر رحلاتى معك فى شوارع روما(ايطاليا)
والان انت تركتينى
لاسقط من برج ايفل المائل
اهذا يرضيكى؟؟؟؟؟


او تشبيه جميل من واحد جميل (صديق)يا امرأه احرقتى روما لتشعلى سجارتك(التشبيه دا مش بتاعى منقول)
تشبيه قمه فى العبقريه............ليه؟
اولا............وضح مدى الاستهتار ...فى هذه المرأه..من غير ما يقول انها مستهتره خالص
قال انها حرقت روما باكملها عشان تولع سجاره.........قمه استهتار المرأه(وخلفيه ثقافيه كويسه)





رقم خمسه....الوضوح فى الاسلوب
مش ان اسلوبك يكون صريح......لا الوضوح فى جمال التصوير....يعنى لازم تكون مستحضر عقلك عشان تجيب التشبيه الافضل.....
(معلومه ونصيحه) قالها استاذى.........عايز تكتب خاطره صح........اتخيل..وانت هتكتب صح
اذاى؟؟............يعنى مثلا انت نفسك فى ايه..تطير على جناح حمامه...طير ...واكتب...انا كتبت على العفريت اللى فى ازازه...
اتخيل...........واكتب الحاجه اللى نفسك تحصلك....وهتكتب صح...لان الخيال دايما بيجب...تصويرات مبتكره...لان الخيال دايما مبتكر..
مش معقول انت تقول حاجه جت فى خيالك.....وانا اكون قلتها...او غيرى...لان محدش بيقدر يقرا افكار او خيال حد...يبقا مستحيل تتخيل حاجه
حد غيرك يتخيلها............مستحيل



رقم سته........لازم يكون فى تشويق.........يعنى تخلينى غصب عنى اكمل الخاطره...لانها شدانى...مش كلمات ممله
لا....انت بتكتب خاطره....بتشدنى ليها....يعنى مثلا بتقول....مشهد...........بتقول رباعيه
زى دى مثلا.......عن واحد رايح يحارب اللى بيحبها(ودا دليل على سيطرتها عليه)
احمل سيوف عنتره
واشعار قيس
ولسان فلانتينو
امال العالم تطوقنى
اانا من يسنقذ العالم
كيف ونحن فى زمن الحكم فيه للاقوى

يبقا انا شدك.........عايز تعرف ايه اللى حصل...لحد اخر الخاطره...مين اللى هيفوز فى الحرب دا



رقم سته...........عشان توصف مشهد...فى خيالك....لازم تتخيله كله...تحى الموقف قدامك..
انا ساعت اكتب قصه(وطبعا مفيش حد بيقرالى هنا :]) اكون قاعد ماسك القلم....اعمل زى البطل اللى انا بكتب فى القصه
والدى يقول مجنون ..ووالدتى تقول عبيط...محدش يفهم انا بعمل كدا ليه برفع حاجب وانزل حاجب...اخويا بس اللى فاهم لانه بيكتب قصص
لانه عارف انك بتستحضر المشهد كله قدامك عشان تكتب صح....ودا كمان موجود فى الخاطره تخيل المشهد


رقم سته ...تسلسل الخاطر
الخاطره لازم تكون متكونه من فقرات...اقرا لاى حد بيكتب خاطره هتلاقى كدا
بيكون كاتب رباعيه(رباعيه يعنى اربع اسطر) او خماسيه...وبينهى الرباعيه دى...باستفهام او تعجب...
وبعدين يدخل للرباعيه تانيه او خماسيه او ثنائيه..يبقا لازم يكون فى سكته فى الكتابه...يعنى برقم مثلا..او تسيب سطر




6-التناسق :

بحيث تكون الخاطرة مرتبة الأفكار وتسير في خط معين لا تحيد عنه ويتم إزالة الكلمات الزائدة التي لا تضيف شيئا للخاطرة 0

7-_ الخيال والتصاوير والتشبيهات المجازية:

تجعل للخاطرة رونق ونكهة محببةومستساغة ..
فمثلا نجعل القمر يبتسمـ والزهور تتكلمـ والنسيمـ يتراقص وهكذا0

8_ العنوان:

ويجب أن يكون معبرا عن الفكرة الرئيسية ويفضل آن يكون مجرد إيحاء أو عاكس لثوب الخاطرة ولا بأس أن يكون مقتبس من سياق الخاطرة على أن يكون هذا العنوان قوي التعبير وعميق المعنى ومؤثر في النفوس حتى يجذب الأنتباه0






انا كدا تعبت ...............ارجو الافاده ليكم يا رب
+ارجو من يكتب منقول يكتب منقول للامانه
ومن يكتب من ابداعه سيحصل على الاهتمام...+التقيم+والتثبيت ان كان يستحقه

الدوره متجدده بكم

سيبدأ اول اختبار قريبا
من يريد التسجيل والدخول فى الاختبارات ارجو كتاباه رد هنا...

عشان اعرف مين داخل ومين مش داخل