السلام عليكم ورحمة الله وبركاته

انا قلت انا قشكم فى قضيه مهمه وخطيره لعل نستفيد من عقول اخواتنا واخواننا

وهى قضية الجواز

اولا :البنت والولد اليومين دول ما بقوش بيجوزوا زى زمان عن طريق الصالونات او عن طريق الخاطبه

او عن طريق الاقارب وخلاص 0000او عن طريق الحب اللى بنشوفه فى الجامعه

لكن دلوقتى الشباب نتيجة انتهاء هذه الطرق متهيألى بقوا بيتجوزوا عن طريق وسائل تانيه

زى مواقع الانترنت وطبعا كلنا بنصادفها واحنا قاعدين على الجهاز والواحد بيستغرب منها

لانها للاسف مش معموله اصلا للجواز معموله عشان الصحوبيه يعنى اى كلام من الاخر

او عن طريق رسايل المحمول على قنوات زى قناة الناس اكمنها يعنى قناه دينيه قال يعنى يبقا موثوق

فيها وهتجيب عريس اخر تمام ومتدين سبحان الله اقسملكم انا بتضايق اوى من الاعلانات دى

بيبقا مثلا بتفرج على محمد حسان وبدل ما انتبه لكلام الراجل عينى غصب عنى بتروح للكلام

يعنىالمفروض مالهاش لازمه دا رايى بتضيع تركيز الواحد لكلام الراجل المهم والله

وغيره وغيره من وسائل بيحاول من خلالها الشباب سواء راجل او بنت انه يتبعها من اجل ايجاد شريك الحياه

تفتكروا يا جماعه اختيار شريك الحياه اللى بالنسبه ليا مهمه صعبه جدا لانك بتختارى راجل

يبقا ابو اولادك وهتبقى مسؤله عن اختيارك امام الله لو صح او غلط 00000يكون بالاسلوب الهين ده

هل الطريقه الجديده المتبعه اليومين دول عن طريق مكاتب الزواج او عن طريق النت او عن طريق رسايل

المحمول طريقه صحيحه لاختيار زوج المستقبل

انا عاوز ه اراء الشباب والبنات ارجوكم لانها قضيه متهيألى فى منتهى الخطوره وعاوزه اعرف

مين موافق هل هذه الطريقه ومين اللى مش موافق ؟ وايه اسباب القبول او الرفض ؟

موضوع مهم عاوز مناقشه ومحاوره

اشكركم جميعا ؟