لسلام علكم ورحمة الله و بركاته ....

دلوقتى يا جماعه هنتكلم على بعض الاخطاء الشائعه التدريب بالاثقال الموجوده فى كم كبير من الصالات سواء هنا فى مصر او العالم العربى او حتى بره فى اوربا ...

ملحوظه :: اغلب الاخطاء اللى هنتكلم عنها هى ان واحنا بنتمرن مبنحطش فى بالنا ...او مبنخدش فى الاعتبار عامل الامن و السلامه ..بمعنى ان التمارين اللى بيتمرنها arnold -او ronnie - او حتى cutler طريقة اداء التمرين نفسها ..مفهاش عامل الامن و انها تحافظ على اللاعب من تعرضه للاصابه ...يبقى كده الناس ديه احنا بنقدلهم و خلاص ...و اكترنا ميعرفش التكنك الصح اللى المفروض العب بيه ...

لو مثلا جنا مسكنا الجسم من فوق لتحت ....خلينا نبدأ بعضلة الصدر .(chest

زى مكلنا شايفين الاعب اللى قاعد على البنش ..اول حاجه جسمه مفرود على البنش متخذ وضع جسمه صح على البنش ..ماسك البار باتساع الكتفين نزل بالبار لاسفل ولكن منزلش لغاية مالبار لمس صدره ..عارفين ليه ..عشان لما بينزل بالبار لغاية الاخر .ده بيسبب ((ضغط و حمل على الكتف ))

لسه مش مقتنع ..طب ركز بقه فى الكلمتين اللى جايين دول ...

اعمل اللى هقولك عليه .::: نام على البنش ارفع ايدك اليمين كانك شايل بار ...حط ايدك الشمال على عضلة صدرك اليمين ..شد العضله ..و انزل واحده واحده كانك بتنزل بالبار ....انزل كمان ..لغااااااية ممفصل الكوع يوصل لغاية مستوى كتفك يعنى ..تعمل زاويه 90درجه .زى مهو فى الصوره كده ...

ها اخبار العضله لسه شاده صح ...طب انزل بقه كده تحت ال 90 درجه هتلاحظ ان عضله الصدر بيحصل فيها اطاله stretch )))) و الحمل اللى انت شايله كلللللللللللله واقع على كتفك ...و احنا اساسا عايزين الفايده كلها تبقى لعضلة الصدر بس ...مش عايزين نشغل كتف ..

يبقى نوصل من الكلام ده ان لما اجى اتمرن صدر ...انزل لغاية 90 درجه بس ...تمام كده ...


النقطه اللى عايز اوضحها ..لما اجى ارفع البار لغاية فوق ..الاصح انى ارفع البار بس ____مش للاخر ..بمعنى انى مبردش مفصل الكوع لغاية الاخر ..لازم يكون فى انثناء طفيف جدا فى مفصل الكوع .لان لما بفرد للاخر بحمل الوزن كله على العظام ..تقوم العظام ضاغطه على المفصل و المفصل ياعنى غلبان مش ديه وظيفته انى يتحمل الضغوط العاليا اووووى ديه .عارفين ليه كمان..عشان الناس الاعبيه المحترفين اللى انتو شايفنهم دول ..بالفعل المفاصل بتاعتهم مدمره ولو مش مدمره يبقى هتبوظ بس على المدى البعيد ..


نوصل من الكلام ده ان اى تمرين صدر - رجلين hack squat - تراى سيبس ....الخ كل التمارين المفروض الصح انى مفردش المفصل بتاعى لغاية الاخر عشان احافظ على المفصل



ان شاء الله فى باقى التمارين و اخطائها الشائعه قريب باذن الله ..ناقص كده ا(( الكتف - الضهر- البطن - الذراعين - الرجلين )))...بس اوصل لاى صور لباقى\لتمارين بشكل الصح اللى اعرفه ..و احطها و اشرح عليها عشان الكل يستوعبها ...لان فى مواقع كتير ه اوى مش حاطه التمرين بشكل صحيح ... مش عايز اقول حتى موقع bodybuilding لحسن الناس كلها تهاجمنى ...
بس انا فى النهايه بقول عشان الامانه العلميه ...الكلام ده مش من تاليفى ..لا ..اطلاقا ...

اللى فيكو خد كورسات دوليه زى ISSA فى التدريب و اللياقه البدنيه ...هيعرف ان الكلام ده صحيح ...باذن الله ...
و اتكلو على الله ...بححبكم فى الله ..[/quote]