خفة دم الريااااااااااااااااسة...ر نا يستر علينا
(طلعت مصطفى قاتل سوزان تميم وحسنى مبارك)
طلعت مصطقى بيقول لحسنى اية
يعنى ينفع كدا ياريس اكون من رجالتك وتسيبهم يعدمونى
بصلة حسنى وقالة
ياحمار وهيا دى سوزان اللى اتفقنا عليها
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــت
(حسنى مبارك ف زيارة مدرسية)
مره الريس راح مدرسه ابتدائى فلما جت فتره الاسئله ولد رفع ايده
الريس ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع اساله
1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
ساعتها بالظبط رن جرس الراحه وبعد الراحه رجع الريس وقال احنا كنا فين بقى؟ مين عنده سؤال ؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اساله
1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين
كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
5 - ليه جرس الراحه رن ربع ساعه بدرى ؟
6- فين رامى ؟؟؟؟؟؟
أمانة عليكوا..لو غبيت اسالو الريس وقولو فين سراااااااااااااااج
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــت
(مبارك والصرامة)
كان هناك رئيس ذهب في زياره إلى إنجلترا وفي خلال مناقشاته مع الملكه سألها
............. - كيف تديرين أمور البلاد بهذه الصرامة
. فقالت: - الحل أن يكون لديك ومن حولك مستشارين يستطيعون الإجابة على أي سؤال
في أي وقت .
.
حتى يخلصوك من أي مشكله قد تحدث.... فتعجب حسني مبارك وسألها: - تعنين
مستشارين أذكياء
!! قالت: - نعم؟؟........ فقال: - وكيف تتأكدين من ذلك؟؟
فقالت له: - بسيطة .. يمكنك من خلال سؤال أن تكتشف معدل ذكاء مستشارك .. انتظر ..
سأعطيك مثالاً على ذلك
!! قامت الملكة باستدعاء توني بلير …
وقالت: - عزيزي توني .. لدي سؤال لك ... أبوك وأمك لديهم طفل .. وليس أخوك وليس
. فضحكت الملكة وصرفته .. ونظرت للريئس
وقالت: - أرأيت …
فتعجب الرئيس وعاد فوراً إلى دولته .. وطلب الاجتماع مع رئيس الوزراء …
فقال له: - يا نظيف .. أبوك وأمك عندهم طفل .. و مش أخوك ومش أختك يبقوا مين ؟؟
فقال له: - والله يا ريس أنا مش متأكد .. إديني فرصه أفكر. خرج نظيف مسرعاً .. وقرر
عقد اجتماع مع مجلس الوزراء
وفي خلال الجلسة طلب عقد جلسة طارئه مع………. حبيب العادلي وزير الداخليه ..
وسأله: - يا حبيب .. أبوك وأمك عندهم طفل وما أخوك وما أختك يبقوا مين ؟؟
فرد عليه حبيب العادلي: - يبقى أنا يا نظيف باشا.
فضحك نظيف……….. واتجه إلى الريس
وقال له لقد عرفت الجواب
فقال الريس وما هو
فقال نظيف: - سيكون حبيب العادلي بالتأكيد.
فغضب منه الرئيس و قال له بعامية فجّـه: - يا حماااااااار لو ابوك وأمك عندهم عيل ومش
أخوك ومش أختك
هيبقــــــــى تونـــي بليـــر............. يا غبـــــــــــي !!!!!!!!!!!!!!!!!!!! ..
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــ
(الريس والتوبة)
قرر كدا رئيسنا حبيبنا انة يتوب عن ذنوبة
فقال لنظيف : يانظيق انا حاسس انى سرقت البلد وعاوز اكفر عن ذنوبى واصلح غلطتى اعمل اية يا نظيف
قالة نظيف : اقولك ياريس اسال طنطاوى وهوا يرد عليك
راح الريس وسال الشيخ
قاله بس كده بسيطه يا ريس انت تروح تلف حولين الكعبة عشر لفات كل لفة بمليار خدتة ياريس وتبرا ذمتك وخلاص
راح الريس لقى عاطف عبيد هناك بيلف
فالريس وقفه وقاله انت كمان؟؟ عليك كام لفة؟
عبيد قاله 97 لفة ياريس
الريس قاله يخرب بيتك ده انت خربت البلد
عبيد قاله يعني جاي عليا انا ياريس روح شوف جمال ابنك اللي اخد موتسيكل وبقاله 3ايام بيلف ولسه ما خلصش
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــتت
(وصية الريس)
كان فى سرير المرض حينما أخذ يلقى بوصاياه الأخيرة لوزيره نظيف :
- وصيتك الحكم من بعدى يا احمد ..
- فى رقبتى يا ريس .. كله تمام والسلطة هياخدها جمال ..
(ثم راح فى غيبوبة .. أفاق منها بعد قليل )
- وصيتك الشعب من بعدى يا احمد .
- ما تخافش يا ريس .. الشعب ياكل الزلط ...
(ثم راح فى غيبوبة .. أفاق منها بعد قليل )
- احمد
- نعم يا ريس؟
- ماتنساش .. توكيل الزلط لعلاء
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ
وبمناسبة توكيل الزلط
(علاء معتقش حتى القهاوى...كلنا عارفين ان اى مشروع لازم علاء يكون شريك فية)
واحد دخل القهوة
لقى صاحبها معلق صور جمال و السادات وحسني
قاله مين دول يا معلم
قال له معقوله مش عارف الأولاني ده ؟؟
ده جمال عبد الناصر .. الرااجل العظيم .. قائد الثورة
قال له ومين التاني ده ؟
قاله : معقوله مش عارفه
ده أنور السادات .. العبقري بتاع حرب اكتوبر
قاله ومين التالت ده ؟؟
قاله : لا .. ده ابو علاء .. شريكي ف القهوة
ههههههههههههههههههه
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــتت
(القوانين والدستور..دستور يا اسيادنا)
بيقولك الريس لقى البلد ساكتة و الشعب بقى مسالم قوى صعب عليهم حاله و نده لأحمد نظيف
قاله الشعب ماله بقى هادى و ما بيعملش مظاهرات ليه انتوا لازم تزودوا الضرايب شوية عشان ننكد على الشعب
تأمر بإيه يا ريس
خللى الضرايب على المرتبات الدوبل . اللى بيقبض 100 جنية يدفع 200 جنية
و الناس دفعت و هى ساكتة
قاله خللى اللى يطلع على الكوبرى يدفع 10 جنية
الناس دفعت و هى ساكتة
خللى اللى يطلع يدفع 10 و اللى ينزل يدفع 20
الناس دفعت و هى ساكتة
قاله بص وقف عسكرى يضرب اللى طالع و اللى نازل على قفاه و انا هانزل بنفسى اتفرج
نزل لقى الناس بتضرب على قفاها و هى ساكته و راضية ماعدا واحد عمال يزعق و يعترض
قاله بتعترض على ايه
قاله كده كتير احنا كده بنتعطل عن شغلنا المفروض يزودوا عدد العساكر اللى بتضربنا شوية
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـ
(مبارك والحج)
بيقولنا ان مبارك كان بيتابع البورصة
لقى السعودية حققت ارباح عالية بسبب الحج
راح جرى على نظيف
يانظيف يانظيف..
نظيف: نعم ياريس
الريس: عايزين الحج السنة دى يكون ف مصر يانظيف
نظيف: ازاى ياريس ماينفعش
الريس: انتا هتغلب يانظيف
نظيف: من عيونى ياريس
نظيف جمع كل الوزرا وحطوا الاقتراحات
ورجع جرى ع الريس
ياريص ياريص..
خلاص حليناها ياريس
تمام يانظيف
قولى بئى عملتوا اية ف الطواف
نظيف : هيلفوا حوالين قبر سيى الحلى ياريس
الريس: طب والسعى ؟
نظيف : هياخدوها تمشية من عمر مكرم ياريس
الريس: مية مية يانظيف طب ورمى ابليس عملتوا فية اية يانظيف؟
نظيف : معلش هتتعب معانا شوية ياريس..
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ
بصراحة انا بدعى وبقول
الله يرحم جمال عبد الناصر طرد الانجليز من مصر...
والله يرحم السادات طرداليهود من مصر ...
وربنا هيرحم حسني مبارك بس بعد يطرد المصرييين من مصر..
نرجع تانى للنكت
__________________________________________________ ____________
مبارك وعقدة بوووووش(push )
الريس راح فى زيارة لامريكا وكل ما يدخل محل أو مكان يلاقى
مكتوب من بره"push" (ادفع الباب) ..افتكر انهم فرحانين برئيس بلدهم بوووش
راح اتغاظ أوى ورجع مصر وقام كاتب على
كل الابواب "مبارك"
النكتة بصورة تانية
*مره الريس نده نظيف وقال له " بناءا على توجيهاتى .... يكتب على كل باب فى مصر ( مبارك) " نظيف أوام طلع النوته وكتب فيها هذه الأوامر ، ثم غلبه حب الإستطلاع فسأل الريس " ممكن معاليك أعرف إنت عاوز ليه تكتب على كل باب فى مصر ( مبارك) ؟ " فأجابه مبارك " الأمريكان كاتبين على كل باب فى أمريكا ( بوش ) .
push
__________________________________________________ ____________________
(نهاية الطمع)
مصباح علاء الدين طلع لمبارك قاله شبيك لبيك
قاله نفسى اصغر ف السن
صغره ل40 سنه قاله اصغر
ل30 سنه قاله اصغر
ل 20 سنه قاله ماينفعش
لغايه ما صغره ل 4 سنين
جاتله الحصبه ومات
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــ
بمناسبة الريس افتكرت موقف
أقولة على لسان صاحبة
علشان لازم نفتخر بريسنا نشوف صاحبنا عمل اية
والغيره جننتنى وانا كل ما امشى فى شارع
اشوف سعودى مركب علم السعوديه وصوره الملك
وكاتب صقر العروبه الوطنيه اخدتنى
ركبت علم مصرى على سيارتى
وركبت صوره الريس وكتبت
عليها
(سبع البرمبه )
(هع هع هع هع هع هع هع)
__________________________________________________ _____
(ذكاوة فلاح وبوتفليقة)
*مرة الريس بوتفليقة ماشي يتفقد الرعية
شاف واحد فلاح نايم والجاموسة دايرة في الساقية
نزل من العربية وقاله : إزاي سايب الجاموسة ونايم ، إفرض الجاموسة وقفت ، مش ده هايقلل الإنتاج
قال الفلاح : ياريس أنا حاطط جرس في رقبة الجاموسة عشان لما تقف اعرف ، وقوم أمشيها
قاله الريس : إفرض ياناصح الجاموسة وقفت وقعدت تهز في راسها ... كدهه ...كدهه
رد الفلاح : مش كل البهايم بتفكر زي حضرتك يا فندم
طبعا ريسنا مش زى بوتفليقة ابدااااا
__________________________________________________ ____________
(الريس وابليس)
الرئيس مبارك قاعد مع نفسه وسرحان شايل هم الشعب (قاعد يفكر اعمل فيهم ايه تاني ؟اعمل فيهم ايه؟)
المهم ظهرله ابليس ووشوشه في ودنه على فكرة يعذب بيها الشعب المصري اللي عاوز قطم رقابته ده فالريس بصله كده من فوق لتحت وقاله لا فكرتك دي مش هتعمل حاجه دا شعبي وانا عارفه انت باين عليك ابليس نص كم ولا ايه
المهم ابليس اتغاظ ووشوش الريس وقاله على فكرة اكثر شراسه برده كان رد فعل الريس نفس الكلام وفي المرة التالته الريس جاتله فكرة وراح مال على ابليس وشوشه في ودنه عليها قام ابليس بصله كده باستحقار وقاله(ياشيخ اتقي الله حرام عليك)
__________________________________________________ _______________________
(الحكم والتعليم )
جمال مبارك وعلاء بيتعاركوا مين يمسك الحكم وبعدين دخل عليهم ابوهم ومعاه وزير التربية والتعليم فالريس قال انا مش عارف اعمل ايه مع العيال دي (الاثنين )عايزين يمسكوا الحكم وطبعا ده ماينفعش
فرد الوزير وقاله ينفع ياريس
جمال يمسك فتره صباحيه وعلاء وفتره مسائيه
مهى مدرسة ابوهم
__________________________________________________ ___________________________
(خطف الريس)
مره واحد راكب عربيته لقى واحد بيخبطله على ازاز العربيه فتح قاله نعم قاله يافندم فى عصابه خاطفه الريس ومش هيسبوا الا لما ياخدو 100 مليون دولار ولو مدفعوش هيكبو عليه بنزين ويولعوا فيه واحنا بنلمله تبرعات قاله والتبرعات دى فى حدود كام قاله من 2 :3 لتر بنزين
__________________________________________________ ______________________________
( العمر ليك ياريس)
واحد اهدى حسني مبارك سلحفاة
فساله الريس : بتهدي لي سلحفاة ليه ؟!
قال له : اصلها بتعيش (400) سنه !
فرد مبارك: ادينا قاعدين اما نشوف
__________________________________________________ __________________________________
نكت | صور | أختبارات نفسية | رسائل للموبايل
رد مع اقتباس
المشاركة الأصلية اتكتبت عن طريق صافى حسام
مواقع النشر (المفضلة)