السلام عليكم و رحمه الله و بركاته

بسم الله الرحمن الرحيم


من غير مقدمات ولا اى حاجات من الحاجات الى ملهاش لازمه فى المواضيع دى

هدخل فى الموضوع على طول

فى اللجنه أأأأى فى الامتحان

اكيد طبعا كلنا فى الفتره دى فى امتحانات و لجان و قرف و مراقبين بس يا عم الحج

لغايه المراقبين و نقف

أى حد فى الامتحان نفسه المراقبين دول يتحولو لقرود مثلا .. او سلاحف النينجا او كائنات فضائيه

ليه لآ ... مهما دول مصدر القرف

و انا فى الامتحان كان فيه اتنين مراقبين و مكنش فيه غير كرسى واحد بس

و طبعا كان مراقب و مراقبه بمعنى راجل و ستـ .. مدرس و مدرسه

ام هند ... اول ما دخلو الاتنين اللجنه ملاقوش غير كرسى واحد ........ فطبعا المدرس بكل شهامه و مروئه و نبل قال للمدرسه اتفضلى اقعدى حضرتكـ و انا هقف ... يعينى عالرجوله ... يا رجلى عالشهامه ... لآ راجل يااض يا فرحه مامتك بيكـ

المدرسه خدت الكرسى و رجعت اخر اللجنه خالص و قعدت .. و بينى و بينكم المدرسه خدت الكرسى و محدش حس بيها .. تقريبا كدهـ راحت فى غيبوبه

المدرس بقى هو اللى عامل فيها عنتره بن شداد و واقف شايف سيفه و مش مخلى حد يتنفس حتى

فاتت ساعه و الامتحان صعب و العيال بتعيط و شكلنا هنشيل المااده ... ينهار ملونبألوان الطيف

فاتت ساعه و المستر تعب من الوقفه !! يا مسهل يا ربـ .. و يجيله الجدرى و هو واقف كدهـ او ينزل عليه صاروخ فضائى من المريخ

خرج من الفصل عشان يشوف كرسى و طبعا ملاقاش كرسى

رجع و كان باين عليه التعب من الوقفه ... ساعه واقف على رجليه .. إيه ده يا جدعان .. جبل


كان فيه متابعه من الاداره بتلف عاللجان ... هييه مهى ناقصه !

دخلت اللجنه .. ؟؟

الامتحان عامل إيه يا شباب

الطلاب :- جميل اوى .. ( يا عيني عالنفاق )


عايز حاجه يا استاذ

اه عايز كرسى إزاى لجنه ميبقاش فيها كرسى

طب مالك بتزعق ليه هدى اعصابكـ !!

انا مش بزعق انا تعبت من الوقفه على رجلى

و شكلها هتولع يا معلم

و هوبا المدير وصل و هتبقى خنااقه

و زعيق و نطر و بتاع و كلام نعناع خرج المستر ده مع المدير و اللى من الاداره

و فضل ربع ساعه بره شكلهم كانو بيصنعو الكرسى عند النجار

و مقولكوش بقى فى خلال الربع ساعه دى ... كانت ورق الاجابات بتاعه الطلاب كلها اللى فى اللجنه نسخه واحده و اجابات واحده

يسلام لو كل مره ميبقاش فيه غير كرسى واحد بس

هتبقى فللى



منقوووووووووول