بسم الله الرحمن الرحيم


كان فية موقف حصل معايا من شهرين تقريبا
كنت راكبة المكيف ومستنية لما يتملى

والايلك اتنين مخطوبين معديين الشارع و جايين علينا

وواضح ان التفاهم احدى صفاتهم
كانو ماشيين زى العصافير

وكان بايدة ماسك رسغها و بيجرها عشان تتنيل تعدى الشارع

واضح انهم ما كانوش عارفين انى شايفة كا حاجة من الازاز

و اول ما عدو وعينك ماتشوف الا النور

مسك البنت ياعينى صاخمتها (يعنى بهدلها)


يا جماعة اجلو الرومانسية دى للبيت معانا عيال ظغيرة

ولما اشتد الموقف كان لازم يكون فية وقفة حازمة
راح طراااااااااااخ على وشها ياعينى

ومش عاجبة ومش عايزها تعترض كمان حسبى الله ونعم الوكيل


واللى يشوفهم من بعيد يقول دول ناس محترمين
البنت لابسة طويل بس الولا كان بيشرب سجاير

وبعد الالم اياة راح شافط اخر شفطة ورازع السوجارة (طب السجارة زمبها اية)

وهاتك يا نفخ وسب ولعن

وفى الاخر اخدها من ايديها ومشيو

شكلها دى كانت فسحتهم


انا اللى مجنننى ازاى تمشى معاة بعد دة كلو
ازاى هاتكون طريقة التفاهم بعد كدة

و انا مالى ربنا يهنى سعيد بسعيدة

و فى النهاية احب اقول (اللى اختشو ماتو)




وياريت اللى عندة تعليق على الموقف دة يفيدنا
على فكرة دة موقف حقيقى والله