الحلقة
الاولى


وفى الصباح الباكر وع نغمات
اغنية مش حب وبس

غادة كانت بتجرى فى الشارع
بتاعهم كرياضة

وكانت مستمتعة جدا بأغنية هانى
شاكر

وكان معروف عنها فى وسط
اصحابها انها بتحب هانى شاكر جدا وخصوصا اغنية مش حب وبس

وبعد ماخلصت غادة التمارين
روحت ع البيت

غادة عايشة مع امها وعمها
وولاد عمها بعنى نقدر نقول عايشة فى بيت عايلة

وبيت العيلة دة عبارة عن فلاة
والشارع الا كانت عايشة فية كان كلة فلال ومسما بشارع
العائلات
لانة كل الا فية
عائلات

اة نسيت اقولكم ان احداث القصة
فى اسكندرية

غادة:صباح
الخير ياماما


الام:صباح النور ها اجهزلك
الفطار


غادة:اممم ماشى انا طالعة اغير
هدومى عشان راحة الجامعة


الام:ماشى
ياحبيبتى



غادة فى كلية هندسة فى سنة
رابعة فى النص التانى من الدراسة ومعروف عنها انها بنت شاطرة اوى وبتنجح كل سنة
بتقدير ونفسها تبقا مهندسة معمارية معروفة


غادة نفسها تعوض امها الا شفته
من ابوها

لان ابوها سيبهم
لوحدهم وكل يوم هو فى بلد شكل

وعلاقات وجوزات فاشلة
وتقريبا مش بتشوف بابها الا مرة كل سنة
دا غير انة ضيع ميراثة كلة ع
نزواتة


وغادة ومامتها عايشين ع حس
قيراطين ارض

واهى عايشة
عايشاها غادة


تليفون غادة
رن


غادة:الوا فهمى
ازيك


نص ساعة وهجى الكلية


اوكية اشوفك

باااى
ياقمر


الام:يلا ياغادة
الفطار


غادة:حاضر
ياماما


ونزلت غادة وفطرت كدة وهى
واقفة


الام:هو دة
فطار


غادة:تسلميلى عشان
متاخرش


وراحت باست مامتها


غادة:عايزة حاجة
منى


الام:لا ياحبيبتى خلى بالك من
نفسك


ووقفت غادة تاكسى وطارت ع
الجامعة


وفهمى نازل رن ع
غادة


غادة:يوو خلاص يافهمى انا فى
السكة


اعرفكم
بفهمى


فهمى هو الوالد الوحيد لمامته
وباباه وخلفوة بعد فترة طويلة اوى من جوزهما وعملوا المستحيل عشان ربنا يرزقهم بطفل


واخيرا جة
فهمى


والد مدلل بمعنى الكلمة والدة
من اشهر رجال الاعمال فى اسكندرية


وكذلك والدتة عندها سنتر كبير
اوى وبتهتم بالموضة والازياء


ووالدة بيخاف علية من الهوا
الطاير لدرجة انة ممشى وراه البودى جارد فى كل حتة خوفا علية طبعا من
اعدائة


فهمى بيحب المزيكا جدا وصوتة
حلو وعندة فرقة صغيرة كدة مع اصحابة وبيعزف كمناجة

وبيعملوا حفلات فى الجامعة وبرة
الجامعة


يعنى من الاخر فهمى دة اى بنت
بتحلم بية


مش لانة غنى بس لا لانة كمان
امور


يعنى عيونة زرقاة طويل وعضلات


كفاية كدة ع
فهمى



فهمى وغادة اصحاب من وهما
عيال صغيرة بس هو فى تجارة


كان والدة عايز يعلمة تعليم
اجنبى بس فهمى رفض عشان يبقا مع غادة فى كل حاجة


بس غادة دخلت هندسة وهو راح
تجارة


بس كانهة فى هندسة لانة مقيم
فى الكلية عند غادة



فهمى:واخيرا
شرفتى


غادة:اية كمية الرنات دى


فهمى:ماانتى
اتاخرتى


غادة:يعنى اطير ماانت عارف
الزحمة والتاكسيات


فهمى:وانا مش قولتلك مية مرة
كلمينى قبل ماتنزلى وانا ابعتلك العربية تاخدك من قدام
البيت



غادة:ياسلام


فهمى:بجد

غادة:عادى يعنى انت عارف انا
كنت هاجى مع مى بنت عمى بس هى لسة مصحتش فقولت يلا نقضيها تاكسيات
بقا


فهمى:تعرفى انتى الا زيك مش
المفروض يمشى ع الارض ولا يتعب نفسة كل حاجة تيجى لحد عندة وهو
مستريح


غادة :اية الكلام الكبير دة
انت هتغنى عليا دا انت غلبت هانى شاكر



فهمى:يادى هانى شاكر نفسى
تحبينى زى مابتحبية



غادة:طبعا بحبك احنا مش اصحاب
وشوف بقالنا اد اية متصحبين وعايزنى محبكش


فهمى:والله طب يلا عشان
نفطر


غادة:ماشى
يلا


وخلص اليوم فى الكلية و كان
فهمى مستنى غادة قدام باب الكلية بالعربية عشان يوصلها



غادة:مستنينى

فهمى:لا مستنى واحد
صحبى


غادة:والله طب
اركب


وركبوا
العربية


فهمى:هتروحى

غادة:امال يعنى هروح
فين


فهمى:طب اية مش هنتغدا مع بعض
النهاردة ولا اية


غادة:لا كبيرى اوى اجى معاك
وانت بتدرب غير كدة مش هقدر ورايا مشروع لازم اقدمة بكرة ان شاء
الله


فهمى:مش
هنتاخر


غادة:لا ياحبيبى احنا بننسا
نفسنا خلينى اعدى السنة دى دا انا لسة محطتش قلم رصاص فى المشروع
لسة


فهمى:طيب


وشغل فهمى اغنية هانى شاكر مش
حب وبس وغادة سرحت فى الاغنية


فهمى:دوددة
وصلنا


غادة:ها
اة


فهمى:اية سرحتى


غادة وبتنهيدة:هانى
شاكر


فهمى:حاكم انا بدأت اغير انا
بقولك اهوة


غادة:ههههه طب انزل ياخويا


وراحت غادة مع فهمى فى مكان زى
الاستديو كدة بيدرب فية هو وفرقتة وفضلت قاعدة لحد ماخلص


ووصلها لحد
البيت


غادة :شوفت ادينى
اتاخرت


فهمى:مش اوى
يعنى


غادة:اصلك
فاضى


فهمى:مشروع اية دة
الاعندك


غادة:يعنى لو قلتلك
هتفهم


فهمى:يعنى ممكن
اساعدك


غادة:ازاى

فهمى:هاتى المشروع وانا اخلى
اكبر دكتور فى الهندسة فيكى ياسكندرية يعملة


غادة:ااااااة هنغش بقا


فهمى:خلاص انا عايز
اساعد


غادة:لا
شكرا


فهمى:ماهو مش معقول تروحى بدرى
كدة دا الساعة لسة 7 خليكى شوية


غادة:يعنى هنعمل
اية


فهمى:يووو حاجات كتير هنروح ع
البحر نتغدا ونتمشا شويا وبعدين اروحك


غادة بتردد:يافهمى كدة
هتاخر


فهمى:وحياتى

غادة:امممم ياربى مش بخلص منك
يلا


فهمى:يلا بجد


وفرح اوى وجرا بسرعة وركب
العربية وساق بسرعة احسن غادة تغير رايها







الحلقه التانيه

غادة:ياخرابى

فهمى:اية

غادة: قوم قوم حرام عليك

وغادة قامت تجرى وفهمى وراها

فهمى:طب فى اية بس فاهمينى

غادة:افهمك اية الساعة 11 والله حرام عليك

فهمى وقف:حرام عليكى خضتينى

غادة:انت هتقف اخلص اتا خرت

فهمى:خلاص يلا

وركبوا العربية عشان يوصلها

فهمى بص لغادة وهو مبتسم

غادة بصت لفهمى ودورت وشها تانى ورجعت لية تانى لما شافت النظرة والابتسامة بتاعة فهمى

غادة:اية بتبصلى كدة لية

فهمى فضل باصص لغادة وهو مبتسم ومبيردش

غادة زقتة

غادة:فهمى فوق للطريق

فهمى:هاا

غادة:ها فى اية فوق خلينا نوصل

فهمى:تعرفى الوقت معاكى بيفوت ثوانى مبحسش بية

غادة:فهمى خلصنى بقا انا اتاخرت

فهمى:طيب

فهمى:اتفضلى ادينا وصلنا

غادة:يلا سلام

فهمى:هشوفك بكرة

غادة:لما اشوف اية النهاردة مكفاكاش

فهمى:انا لو عشت عمرى كلة معاكى مش هيكفينى

غادة:طب يلا يارومانسى تصبح ع خير

فهمى:وانتى من اهلة




الام:اية ياغادة التاخير دا كلة

غادة:معلش ياماما الوقت سرقنى مع فهمى

الام:فهمى لولا انى عارفة انك بتحبية زى اخوكى كنت قولت حاجة تانية

غادة:انتى هتعملى زى كل الناس ولا اية

الام:اة الكل فكرنكوا بتحبوا بعض صح

غادة:اممم معذورين ميعرفوش الا فيها

الام:واية بقا الا فيها

غادة:انى مش بتاعة حب ولا جواز

الام:لية كدة بعد الشر دى كلمة تقوليها

غادة:لا انا لا عايزة احب ولا اتجوز

الام:اتعقدتى من ابوكى

غادة:اة

الام:ياحبيبتى كل الرجالة مش زى بعض ما عمك اهوة بيحب مراتة وعايش معها

غادة:وانا الا يضمنلى انى مش بختى زيك
خلينى كدة احسن

انا طالعة لانى ورايا شغل كتير
تصبحى ع خير

الام:وانتى من اهلة وربنا يهديكى يابنت قلبى ياغادة ويعوض عليكى خير يارب

غادة طلعت اوضتها وغيرت هدومها بسرعة وبدات تشتغل فى المشروع

الام:غادة خدى كوباية لبن اشربيها وانتى بتشتغلى

غادة:ربنا يخليكى

الام:انا راحة انام مش عايزة منى حاجة لو عايزانى اقعد معاكى لغاية ماتخلصى

غادة:لا ياماما روحى نامى انتى

الام:طيب نامى ياغادة متتعبيش نفسك

غادة:طيب ياماما

وبعد ساعتين باب الاوضة خبط

غادة:ادخل

مى:انتى لسة سهرانة

غادة:اة ورايا مشروع لازم اسلمة بكرة

مى:كنتى فين طول اليوم

غادة:هكون فين كنت فى الكلية

مى:كلية ولا مع حبيب القلب

غادة:قصدك مين

مى:قصدى مين هو فية غيرة فهمى

غادة:اااااااة قولتلك مية مرة انا وفهمى

وقطعتها مى

مى:انا وفهمى اخوات عارفين لوما انتوا اخوات تفضلوا مع بعض طول النهار ماأنا اهوة مش بشوف اخواتى غير كل سنة

غادة:عشان شغلهم نظامة كدة مش واحد ظابط بحرية والتانى بيكمل درستة برا لكن لو كانوا قعدين هنا كان زمانك كل دقيقة بتشوفيهم

مى:خلاص خلاص انتى هتدينى محضرة

غادة:طب معلش يامى ممكن بس شوية عشان عايزة اخلص المشروع الا فى ايدى دة خلينى الحق انام

مى:مشروع طيب ياختى اما نشوف اخرتك اية

وطلعت ورزعت الباب وراها

تانى يوم الصبح

الام:غادة انتى نمتى ع المكتب

غادة:اة صباح الخير

الام:قومى رايحى ع السرير

غادة:هى الساعة كام

الام:الساعة 7

غادة:سابعة دا انا يدوبك اقوم البس وانزل علشان متاخرش

لاام:طب ناميلك شوية

غادة:مش هينفع لازم امشى عشان متاخرش
مش هبقا اتاخر واجى انام

الام:طيب انزل احضرلك الفطار

الام:قعدى افطرى متفطريش ع الواقف كدة

غادة:معلش عشان متاخرش

الام:لسة بدرى

غادة:طيب

جرس الباب ضرب

الام:مين الا هيجلنا دلوقتى

غادة:خليكى وانا افتح

وقامت غادة فتحت

غادة:بابا

الاب:ازيك

غادة: كويسة

الاب: ازيك يالطيفة

الام:عزت انت اية جابك

الاب:دا سؤال واحدة تسألة لجوزها بعد غياب 3 شهور

الام:كويس انك عارف انك بقالك 3 شهور مشوفتش بنتك ولا دخلت بيتك زى اى اب

الاب:يوووو مش دا الموضوع انا جاى فى حاجة مهمة وماشى ع طول سيبهالك ياختى

الام:وجاى فى اية اظن عايز فلوس

الاب:ايوا

الام:ونجبلك منيم اخوك راح الاراضى من الصبح ومراتة نايمة فوق يعنى محدش هنا يديك فلوس

الاب:ومين قالك انى هاخد من اخويا ولا مراتة

الام:امال هتاخد من مين هتبيعنى دهبى خلاص بيعتهولى من زمان انا والبش مهندسة

الاب:بطلى كلام كتير وتريقة
انا كنت عايز بنتى حبيبتى غادة تعالى عايزك

غادة:خير

خدها بعيد عن مامتها

الاب:غادة ياحبيبتى انتى عارفة انى بحبك وبعدى عنك مش بأيدى منها للة امك حاولت حياتى لحجيم

غادة قطعت ابوها فى الكلام

غادة:ياريت من غير مقدمات قول الا انت عوزه بسرعة عشان متأخرش

الاب:امم طيب وفرتى عليا كلام كتير انا عاوز فلوس

غادة:نعم ههههه والله غريبة الاب الا بيطلب من بنتة الدنيا جرا فيها اية

الاب:بت احترمى نفسك وانتى بتكلمى ابوكى

غادة:ابويا اة ابويا

الاب:بقولك اية انا الراجل واقف برة خلصى

غادة:راجل اية

الاب:الا هيشترى الارض

غادة:ارض اية

الاب:القيرطين بتوعك

غادة:اية انت بتحلم

الاب:بقولك اية الارض دى بتاعتى انا كتبتها بأسمك عشان امك طلبت كدة فدلوقتى بقا لما اطلبها منك ترجعيها

غادة:ارجعهالك لية عشان تاخد فلوسها وتصرفها ع علاقاتك مفكرتش فيا انا وامى نعيش منين ولا نشحت من عمى وولادة عشان تستريح حضرتك وتفضل مرات عمى تذل فينا هى وبنتها انهم بيمنوا علينا
حرام عليك بقا ارحمنا مش كفاية ضيعت كل فلوسك جى تدور ع الارض الا حلتنا

بس لا طول ماأنا عايشة مش هتلمس الارض دى سمعت وانا مش هبيع حاجة والا انت عايزة اعملة

الاب:اخرسى وضرب غادة باالالم ومسكها من ايديها

انتى هتعملى الا انا عوزة وانتى مكتومة فاهمة ولا لا

غادة:اة سيب ايدى ومش بايعة حاجة

الاب:كدة
وزقها وطلع اوضتها يدور ع ورق ملكية الارض

طلعت تجرى وراه مامتها

الام:انت بتعمل اية حرام عليك

وهو قلب الاوضة فوقانى تحتانى

الاب:فين ورق الارض

الام:معرفش

زقها ونزل تحت لغادة ومسكها من ايديها

الاب:فين الورق

غادة:معرفش انت فكرنى هبلة عشان اعينة هنا

الاب:يعنى اية وديتى فين الورق

غادة:قولتلك معرفش

الاب:كدة

وبص لقا ورق المشروع بتاع غادة فمسكة وقطعة

وغادة فضلت تصرخ هى ومامتها وتشد منة الورق بس كان هو قطعة ورماه ع الارض وسبهم ومشا

غادة وقعت ع الارض ومسكت لاورق بأيديها وفضلت تعيط

الام:منك لله منك لله وحضنت غادة وفضلوا يعيطوا

غادة ببكاء:اعمل اية انا دلوقتى اعمل اية

الام:بس ياحبيبتى اعتذرى للدكتور

غادة زقت امها

غادة بزعيق وبكاء:هو بيعمل كدة لية فيا انا مش بنتة ولا انا اية انا عملت فية اية عشان يعمل كدة مش كفاية ان الناس بيعيرونى بية مش كفاية انة رمينى ومش بيسال عنى دا انا اقل واحدة فى صحابى
خلفتونى لية جبتونى عشان تبهدلونى وعايزانى اتجوز هو انا هعرف اعيش طول ماهو ورايا

وسابت مامتها وقامت تجرى ع برة

الام:غادة غادة














الحلقة التالتة


غادة خرجت وهى بتبكى وراحت قاعدة ع البحر

غادة فى بالها

لحد امتى هفضل عايشة كدة من غير أب

اب يدينى الحب والحنان زى اى بنت احس ان ليا حد لو حد ضيقنى اجرى علية اقوله وهو الا يخد لى حقى
دا انا حتى ايام ماكنت فى المدرسة لما كان حد يضيقنى ولا يعاكسنى مالقيش حد اروح اقولة
لعندى اب ولا حتى اخ

لغاية امتى هفضل اكدب ع نفسى واقول بكرة هيكون احسن
بكرة هيكون احسن لية
اية الا هيحصل

مستنية حد يجى ياخدك من ايدك ويغيرلك كل حياتك ويديكى الامل والحب الا تحرمتى منة طول عمرك

مستنية اية ها قولى كدة


مستنية ضهر حضن حماية راجل امان

ايوا مستنية كل دة

انا مش مصدقة الكدبة الا بقولها انى مش عايزة لا احب ولا اتجوز

لا عايزة ماانا زى زى اى بنت فى الدنيا نفسها تلقى الانسان الا عاشت عمرها كلة بتحلم بية

ايوا ماتعقدة بس لسة عندى امل ولو حتى نور بسيط بس اهوة منور العتمة الا جوا فى قلبى

كنت متأكد انى هالقيكى هنا

غادة بصت وراها

غادة:فهمى

فهمى:لما كلمتك ع الموبايل ومامتك ردت عليا وقالتلى انك خرجتى مضيقة قولت اكيد هتبقى هنا

اية بقا يادودة ياقمر جاى تشكى للبحر ومش بتشكلى

غادة:مش عايزة اشيل همومى لحد

فهمى:نعم حد هو انا حد برضة ياغادة

غادة:انا اسفة اقصد مش عايزة اضيقك

فهمى:هو انا لما بجيلك وقولك ع حاجة مضيقانى ابقا بضايقك ولا بشيلك همومك
انتى ليكى مين غيرى تحكيلة وترمى علية كل همومك

غادة:ع رايك انا ماليش حد غيرك

فهمى:طب يلا قومى

غادة:هنروح فين

فهمى:هقولك قومى

وشد ايد غادة وركبوا العربية وراحوا ع مكان هادى

فهمى:نفطر وتقولى لي اية الا ضيقك ماشى

غادة:طيب

فهمى:انا هتصل بمامتك اطمنها لانها قلقانة اوى عليكى

غادة:ماشى

فهمى اتصل بمامة غادة طمنها عليها وغادة حكت لفهمى كل الا حصل
وفهمى كان مغيوظ اوى من ابوا غادة

فهمى:طب ممكن غادة حبيبتى ماتشلش هم حاجة خالص
والدموع دى معتش عايز اشوفها تانى

ومسح دموع غادة

غادة: ماشلش هم حاجة زى بس دا انا مرحتش الكلية النهاردة والمفروض انى كنت اسلم المشروع ومش كدة
دا هو كمان قطعة
عمرك شوفت اب بالانانية دى يقطع المشروع يضيع مستقبل بنتة

دا انا فضلت سهرانة طول الليل اعمل فية وهو يجى يقطعة بكل سهولة فى الاخر

فهمى:خلاص انسى الا حصل انا هحلهالك
انتى مش بتثقى فيا

غادة:هتحلها ازاى بس

فهمى:دا شغلى انا بس عايز منك حاجة واحدة

وتوعدنى انك تعمليها

غادة:اية هى

فهمى:اوعدينى الاول

غادة:اوعدك

فهمى:ماتشغليش بالك بحاجة خالص ها

غادة:ماشى

فهمى:وعد

غادة:وعد

اة بس ع فكرة انا فكرت فى حاجة كدة وكنت عايزة اخد رايك فيها

فهمى:اية

غادة:انا فكرت ادور ع شغل

فهمى:شغل اية بس ياغادة

غادة:اى حاجة ان شا الله لو حتى جرسونة

فهمى:انتى بتقولى اية ومين هيسيبك تعملى كدة

غادة:فهمى خلاص انا قررت من بكرة هدور ع شغل

فهمى:والكلية

غادة:مع الكلية فى بنات كتير بتعمل كدة

فهمى:دول بيبقوا محتاجين

غادة:وانا مش محتاجة

فهمى:بس

غادة:خلاص يلا انا عايزة اروح دماغى هتنفجر

فهمى:طيب بس فكرى تانى فى موضوع الشغل





فهمى وصل غادة للبيت

غادة:لما تروح ابقا كلمنى
فهمى:بليل بقا عشان تنامى

غادة:ماشى سلام

فهمى طلع الموبايل وطلب نمرة

فهمى:الوا ايوا
عموا عزت

انا فهمى

ممكن اشوفك

لا دلوقتى انا فاضى

كنت عايزك فى موضوع كدة

انت فين

خلاص شوية وهكون عندك

وراح فهمى وقابل والد غادة

عزت(الوالد): اهلا يافهمى بية

فهمى:اهلا

عزت:خير حضرتك كنت عايزنى فى اية

فهمى:خير تاخد كام وتبعد عن غادة

عزت:نعم مش فاهم

فهمى:لا انت فاهم

عزت:اة بس دى بنتى

فهمى:يعنى اية بقا

عزت:يعنى مقدرش ابعد عنها

فهمى:بقا كدة طيب

وجة يقوم فهمى فعزت مسك ايدة

عزت:استنا بس

فهمى:عايز اية

عزت:نتفق

فهمى:وانا معنديش مانع

عزت: 250000 جنية

فهمى:وانا موافق

بس ع شرط لا عدت تشوفها ولا ليك دعوة بيها وبعد اسبوعين كدة تكلم مامتها وتقولها انك لقيت شغل وهتبعتلهم فلوس

عزت:نعم هى الفلوس دى هصرفها عليهم

فهمى بص لة بقرف:لا مالكش دعوة انت تنفذ الا انا قولتلك علية وبس

عزت:وانا موافق

فهمى طلع دفتر الشيكات وكتب المبلغ لعزت

فهمى: امضى الاول هنا

عزت:اية دة وصل امانة لا يافهمى باشا مش اتفقنا

فهمى:متخفش اوى كدة دا هيفضل معايا عشان لو قربت لغادة اطلعة ويبقا فيها سجن ياعزت بية

عزت:خلاص بس لو قربتلها

فهمى:طول ماانت بعيد عنها ولا كانك مضيت حاجة

عزت: اوامرك امضى

فهمى:خد الشيك وزى ماتفقنا

هزت:اوكية عن اذنك ياباشا

فهمى بقرف:قوم

وتليفون فهمى ضرب

فهمى:ايوا يامامى دقايق وجايلك ياجميل انتى فين

اوكية هجيلك السنتر
بااى















الحلقة الرابعة



فهمى بعد ماكلم مامتة اتصل بواحدة صاحبتة


فهمى:ايوا ياهايدى


انا كويس


اسمعينى حاضر ياحبيبى بصى بس


يووو فهمى زعق فيها


اسمعينى اية رغى رغى ياحرقك


مشروع اية الا الدكتور سامح كان قالكوا تعملوه


لخصى ياهايدى


كدة بس
ماشى سلام


اووف مقرفة


وراح فهمى لمامتة السنتر



اهلا فهمى باشا


فهمى:مامى فين ياهاجر



هاجر:فوق يافهمى بية فى فهمى بارت يافندم


فهمى:ماشى شكرا


وطلع لمامتة


فهمى:هااى يامامى


الام:حبيبى ثوانى وجاية


فهمى وقف ياقلب فى الحاجات المعروضة


الام:ها عامل اية وباست فهمى فى خدة


فهمى:تمام ها كنتى عايزانى لية


الام:فى اية معتش بتطيق تقعد معايا لية


فهمى:مفيش يلا بقا ورايا حاجات كتير


الام:بقا كدة ماشى بص بكرة ان شاء الله افتتاح السنتر الجديد
ولازم تكون موجود مش تعمل زى كل مرة


فهمى:اوكية


الام:لا بص بقا مش تقولى اوكية وبس المرة دى فى كبار البلد جاين
وانا عزمة كل صاحبتى وبناتهم يجى روح قلب مامى ينقى الا تعجبة


فهمى:امممم قولى كدة هو انتى هتفتتحى السنتر ولا هتفتتحى عروسة لابنك


الام:واية يعنى يابيبى انت الامير الا لازم تيجى البنات لحد عندك وانت تنقى الا تعجبك


فهمى:اووووووة


طب ماشى انا لازم امشى



الام:فهمى تيجى ومش تتاخر



فهمى:حاضر


وهو نازل فات البرت بتاع البرفانات والهدايا
وأختار برفان نسائى


وهو ماشى تليفونة رن


فهمى:امم دورك


ايوا يابابى


حاضر انا كدة كدة كنت جاى خمس دقايق واكون عندك
بااااااى


وراح فهمى عند باباة الشركة
وطلع الاول ع قسم المعمارى


فهمى:ازيك يابش مهندس


المهندس:اهلا فهمى باشا


فهمى:كنت عايز منك طلب


المهندس:انت تأمر


فهمى:ممكن تعملى المشروع دة


المهندس:لحضرتك


فهمى:ايوا نص ساعة ويكون جاهز


المهندس :بس


فهمى:يلا نص ساعة


وخرج فهمى وراح لباباة


فهمى:هااى بابى


الاب:تعالى يافهمى


فهمى:خير كنت عوزنى لية


الاب:واحشتنى


فهمى:والله قول يابابا عايزنى لية


الاب:مامتك قالتلك ع الحفلة بتاعة بكرة


فهمى:ايون


الاب:طيب كويس مش عايزك تتاخر فى ناس كتير مهمة هتبقا هناك ولازم تكون موجود


فهمى:اوكية


الاب:تعرف مين الا جاى


فهمى ابتسم وهز دماغة بالا


الاب:رفعت بية وبنتة الرجل دة مهم اوى ياسلام يافهمى لو تطلع البنت دى من نصيبك يبقا ربنا بيحبك


فهمى طلع موبايلة وقعد يقلب فية وبابة نازل رغى



فهمى:بابا انا لازم اقوم ورايا محاضرة مهمة


الاب:اة طيب متنساش


فهمى:مش هنسا سلام


وفات ع المهندس وخد المشروع وراح ع الكلية


فهمى :الدكتور سامح هنا ياعم سعيد


الساعى:ايوا يافهمى بية



فهمى خبط ودخل للدكتور


فهمى:ازيك يادكتور


الدكتور:اهلا يافهمى اتفضل


أزى حسين بية


فهمى:تمام وبيسلم ع حضرتك


الدكتور:بجد


فهمى:اة ثوانى وفضل يدور فى جيوبة


اة الظاهر انى نسيت الدعوة


الدكتور:دعوة اية


فهمى:دعوة حضرتك للسنتر ابقا ابعتها لحضرتك


الدكتور فرح اوى


فهمى:دكتور دا مشروع غادة


الدكتور:غادة مين


فهمى:غادة عزت


الدكتور:غادة عزت غادة اة هى مقدمتهوش النهاردة


فهمى:لا حضرتك هى كانت جاية بس بابها عمل حادثة فاراحت ع المستشفى وادتنى المشروع عشان اقدمة بس انا نسيت
انا اسف


الدكتور:لا ولا يهمك هات المشروع


فهمى:اتفضل وشكرا يادكتور اشوفك بكرة فى الحفلة
عن اذنك


الدكتور:اتفضل


فهمى:ااااااااااة الحمد لله كدة تقريبا كل حاجة تمام
ياترى البرفان وصلها
واحشتنى اوى


تليفون فهمى ضرب


فهمى:ايوا يانادر لا منستش شوية وهكون عندك


عند غادة


الا فضلت نايمة لحد بليل


الام:غادة قومى بقا هتنامى بليل ازاى


غادة:ااااااة هى الساعة كام


الام:الساعة 5


غادة:يااااااا كل دة نايمة
ااااة دماغى هتنفجر


الام:قومى يلا عشان تاكلى واشربى كوباية شاى وانتى هتبقى تمام


غادة:طيب


وقامت غادة واتغدت وشربت الشاى وكانت قاعدة تتفرج ع التلفزيون هى وبنت عمها
بس طبعا دماغ غادة كانت فى المشروع الا اتقطع والشغل


جرس الباب ضرب


وقامت مى تفتح


مى:ايوا


الرجل:غادة هانم موجودة


مى:غادة هانم اة ثوانى
غادة تعالى حد عايزك


غادة:مين


الرجل:اتفضلى الهدايا دى لحضرتك ممكن تمضى ليا هنا


غادة:اوكية


مى:من مين ها


غادة:ثوانى يامى هو انا فتحتها


فتحت الهدايا لقت برفان وعة كارت


وكان مكتوب


حبيبى فداك انا وسنينى الا جاية
فداك قلبى الاحبك


امشى فوق همى
فوق دمعى وغنى
ولاتنزلش دمعة ليلة فوق خدك


الامضاء:فهمى


غادة:ضحكت


مى:ها من مين


غادة:دا فهمى


مى:والله وجايبك هداية لية


غادة:اوعى كدة


وطلعت غادة ع فوق واتصلت بفهمى


فهمى:الوا


غادة:اية الا انت بعتة دة


فهمى:طب قولى ازيك
اية معجبتكيش انا عارفك بتحبى البرفانات ودا نوع جديد لسة نازل
فقولت لازم تكونى انتى اول واحدة تستعملة


غادة:ربنا يخليك حلو اوى


فهمى:طب كويس انة عجبك
اة من الحق انا حليت موضوع الدكتور


غادة:اية ازاى


فهمى:حليتة وخلاص اعتبرى نفسك قدمتى المشروع
ومتتعبيش نفسك وتعملى واحد جديد


غادة:عملت اية


فهمى:هقولك بعدين اصل انا وصلت البيت بكرة بقا نفطر مع بعض واقولك


غادة:طيب خلاص


فهمى:طيب خلى بالك من نفسك سلام


غادة:فهمى شكرا اوى


فهمى:طيب ياختى العفو سلام


وقفل فهمى بحبك اوى ياغادة


غادة قامت وجبت البرفان ولقيتة حلو اوى ومسكت الورقة وبصت للمرايا وضحكت


تانى يوم


فهمى:صباح الخير


غادة:صباح النور


فهمى:عاملة اية دلوقتى


غادة:كلة تمام
كل حاجة اتحلت فى يوم واحد ومتعرفش ازاى


ابويا سافر وكلمنى واعتذرلى ع الا حصل والدكتور قبل المشروع الا انت قدمتة وخدت تقدير كمان
كل حاجة اتحلت يافهمى ااااااااة الحمد لله


فهمى:يعنى مبسوطة


غادة:اووى


فهمى فى بالة:انا اعمل المستحيل عشان اشوف الضحكة دى
ومتفرقش شفايفك ابدا


ابيع عمرى واشوفك مبسوطة


غادة:روحت فين


فهمى:ولا حاجة يلا عشان نفطر


فهمى وغادة كالعادة قضوا اليوم مع بعض


غادة:يلا عشان اورح


فهمى:تروحى اية
انتى معزومة ع حفلة


غادة:حفلة اية


فهمى:السنتر الجديد


غادة: بس انا معملتش حسابى ولا عندى حاجة جديدة احضر بيها


فهمى:مالكيش دعوة يلا قومى


وشد غادة من ايديها


غادة:ع فين


فهمى:شويا وتعرفى


وخد غادة وراحوا السنتر بتاعة مامتة الا كان مقفول ومفيش فية حد غير الامن


الامن:فهمى بية


فهمى:افتح السنتر يأسامة


الامن:حاضر اتفضل


غادة:انت هتعمل اية


فهمى:ادخلى بس