الموضوع: عايز تعرف عيوبك ؟!......اتفضل هنا

فكره عجبتني



اي حد من اعضاء المنتدي يكتب اسمه ويقول لنا انا قعدت علي الكرسي

و عايز اعرف عيوبي اللي شايفنها فيه اعضاء المنتدي

او احنا نختار عضو وهو قبل ما يقوم من علي الكرسي يختار العضو اللي بعده

و ماظنش انه فيه حد وسطينا لسانه فالت ولا حد هيقدر يجرح حد
خصوصا انه الموضوع ده خاص بالاعضاء اللي عارفين بعض
يعني ميتهيأليش حد مسجل أمبارح هيجي يقول رأيه وده ممنوع
(وده طبعا يمنع انه حد يجي بشخصيه واسم تاني علشان يقول رأيه في شخص من وراء قناع )
وزي ماقولت وبكرر ده ممننوع
والأهم من كده انه لو حد حس نفسه هيضايق أو يخسر حد يروح قايم من الكرسي
ويقول ستووووووووووووووووب يروح الكل ينسي كل حاجه

و كنت عايز اوضح كام نقطه
الموضوع ده لذكر عيوب الاعضاء الأصدقاء اللي يمكن مش واخدين بالهم من العيوب
فأحنا اللي بنعمله انه بنقول لفلان يافلان علي فكره حصل تغيير في شخصيتك لكذا أو
نقوله مثلا يافلان علي فكره انا شايف انك كذا أو كذا
مجرد انه فلان ده بقي يعرف العيب اللي فيه (من وجهة نظرنا) يبقي المهمه انتهت
فياريت مفيش داعي للتصميم علي انه فلان يعترف بعيبه
من الناحيه التانيه بقي
فلان اللي بيستجوب ده هو أو هي قاعد ع الكرسي علشان يشوف هوه ايه في نظر
الاصدقاء الأعضاء وبمجر انه يبرر عيب همه شايفينه فيه مفيش داعي يبرر تاني ويتحول
الموضوع لنقاش فردي من ثم جدال من ثم خناق

الغايه من الموضوع هيه انه واحد يقولي انت مثلا مغرور علشان كذا وكذا
اروح اقوله لا انا مش مغرور بدليل كذا وكذا
هوه أقتنع كان بها
انا اقتنعت كان بها
لكن نقعد نجيب دلائل وبراهين علشان نطلع شخص قدام الناس وحش أو العكس
فده مش في موضوعنا

موضوعنا يتلخص في ( رحم الله امرأً أهدى إلي عيوبي )

مدة الجلوس ثلاثة ايام فقط


ايه رأيكم ؟!

رد بالفيس توك يا معنمممم

وانا بعد اذنكم هبدأ بنفسي

يلا عايز اعرف عيوبي بمنتهي الصراحة

موضوع فكرته حلوة
بس مش عارفة حاسة انه صعب شوية
بس هتابع واشوف

فكرة جميلة يا ابو الاسكندر


تسلم ايدك يا معلم

المشاركة الأصلية اتكتبت عن طريق bird

موضوع فكرته حلوة
بس مش عارفة حاسة انه صعب شوية
بس هتابع واشوف

الموضوع مش صعب ولا حاجة يا bird بالعكس انا اقصد من الموضوع اننا نقرب من بعض اكتر

يعني مثلا عشان تعرفي تنتقدي شخص لازم تشوفي مشاركاته في المواضيع والردود

اقصد تواجده في المنتدي عامل ازاي مؤثر ولا عادي نشيط ولا كسلان متواجد ولا ...الخ

والنقد هنا هيكون نقد بناء باذن الله يقربنا اكثر من بعض مش العكس

تحياتي

المشاركة الأصلية اتكتبت عن طريق tefa.alsger

فكرة جميلة يا ابو الاسكندر


تسلم ايدك يا معلم

ربنا يكرمك يا تيفا بس عوزين ندخل في جو الموضوع

يعني مش فكره جميلة وموضوع حلو وبعدين اخلع

يعني لو الموضوع عجبكم نتوكل علي الله ونبدأ

تحياتي

لالالالالالالالالا ، من رأيي نعمل عضوية علشان الناس ماتزعلش من بعضها ، كل واحد يقول الرأى بتاعه فيه ، من عن طريق العضوية دى .. بس كدا

ممكن نسمى العضوية ، المختفى .. ايه رايك ؟

موضوع جميل جدا يا ابو اسكندر
..
بس فى ناس انا اعرفهم اه
بس ما فيش مشاركات ما بيننا كتير

المشاركة الأصلية اتكتبت عن طريق لؤلؤة النجع

لالالالالالالالالا ، من رأيي نعمل عضوية علشان الناس ماتزعلش من بعضها ، كل واحد يقول الرأى بتاعه فيه ، من عن طريق العضوية دى .. بس كدا

ممكن نسمى العضوية ، المختفى .. ايه رايك ؟

لا يا لؤلؤة كدا الموضوع هياخد شكل تاني وتصفية حسابات من ورا قناع

يهمني في ايه اعرف رأي العضو المختفي فيه ؟!

الموضوع معمول عشان اعرف رأي لؤلؤة وباقي الاعضاء ايه

وكل عضو هيقعد علي الكرسي هيعرف راي الاعضاء فيه ايه وجهاً لوجه

وعموماً الموضوع شكلة صعب وتقيل او محرج ........او هيتفهم غلط

فبفكر الغيه افضل واعتذر بشده علي تضيع وقتكم في قرأت هذا الموضوع او الرد عليه

تحياتي

المشاركة الأصلية اتكتبت عن طريق الفرعون المصرى

موضوع جميل جدا يا ابو اسكندر

..
بس فى ناس انا اعرفهم اه

بس ما فيش مشاركات ما بيننا كتير

مرورك الاجمل يا فرعون

والله انا كان قصدي مثلا العضو اللي يقعد علي الكرسي لو له رد بايخ في احد المواضيع

نفكره بيه عشان ميكررش كدا تاني او زعل حد او جرح حد كدا يعني لكن الموضوع

زي ما قلت للؤلؤة شكلة صعب او محرج فبلاش افضل وانا اسف اني نزلته بجد

تحياتي

لالالا خالص والله
..
ده كان مجرد استفسار
تسلم يا ابو اسكندر

الفكره جميله جدا يا ابو اسكندر
و انا هبدأ
الميزه اللي فيك (( شكل حضرتك طيب .. و بتحب الاجتهاد و بتحب تتقن عملك ))
و العيب (( ان حضرتك بتضايق بسرعه ))
لان لؤلؤه مش قصدت حاجه ولا قصدت ان الموضوع مش عجبها
هي بس كانت بتقول اقتراح
توافق عليه حضرتك او لا
و ده راجع لحضرتك
فا مش تزعل منها

المشاركة الأصلية اتكتبت عن طريق زعرورتي

الفكره جميله جدا يا ابو اسكندر
و انا هبدأ
الميزه اللي فيك (( شكل حضرتك طيب .. و بتحب الاجتهاد و بتحب تتقن عملك ))
و العيب (( ان حضرتك بتضايق بسرعه ))
لان لؤلؤه مش قصدت حاجه ولا قصدت ان الموضوع مش عجبها
هي بس كانت بتقول اقتراح
توافق عليه حضرتك او لا
و ده راجع لحضرتك
فا مش تزعل منها

ربنا يبارك فيكي يا زعرورتي بس شوفتي بقي ردك ده خلاني اعرف ان الموضوع موصلش بالشكل اللي عوزه

الموضوع لطرح العيوب وفقط ....

ورد لؤلؤة كان عضويه جديدة مع ان قلت في الموضوع

و ماظنش انه فيه حد وسطينا لسانه فالت ولا حد هيقدر يجرح حد
خصوصا انه الموضوع ده خاص بالاعضاء اللي عارفين بعض
يعني ميتهيأليش حد مسجل أمبارح هيجي يقول رأيه وده ممنوع
(وده طبعا يمنع انه حد يجي بشخصيه واسم تاني علشان يقول رأيه في شخص من وراء قناع )
وزي ماقولت وبكرر ده ممننوع

يعني برضو الموضوع موصلش بالشكل المطلوب مش حكاية زعل ولا حاجة

ربنا ميجبش زعل احنا اخوات ولؤلؤة من الناس اللي بيعجبني دمغها جدا

وعلي العكس تماما يا جهاد انا صبور لأبعد ما تتخيلي وهادي الطبع

لكن قلت الحق الموضوع في الاول احسن

جميل خاااالص يا ابو اسكندر

يا ريت تبدأأأأأأأ الموضوع ..... وسيبك من انك تحذف الموضوع

الموضوع جميل وانا فهمت قصدك

مين اول واحد هيقعد على الكرسى

ما انا لما جيت اقول العيوب
بصراحه اتكسفت
قولت اقول مميزات الاول

و سوري علي عدم الاستيعاب و علي اني ضيقت حضرتك

بس بردو الفكره حلوه