لو عندك جوجل بلس... لاااازم تعملنا شير
مواقف طريفة وشقية
من منا لم يمر بموقف طريف نزع منه الابتسامة نزعا
ومن منا لم يمر بموقف او مقلب شقى جعله يستلقى على ظهره ضحكا
ومن منا لم يمر بموقف دارت حوله الكثير والكثير من علامات الاستفهام والتعجب
او حتى حدثت اى من هذه المواقف لشخص اخر وقصها عليك
دعونا نتشارك سويا فى هذه المواقف... وكما ابتسمت انت وضحكت واستغربت فلا تبخل على وعلى اخوانك بهذه المشاعر اللذيذة
فى انتظار مواقفكم الـ.............لذيذة
رد: مواقف طريفة وشقية
مره واحد صاحبنا معانا هنا فى المنتدى حب يعمل مقلب فى واحد صاحبنا تانى هنا بردو فى المنتدى وكان انه يوقع فوقه كوباية ميه من فوق الباب اللى داخل منه فالكوبايه ما وقعتش ووقعت على الارض بعد اما عدا
وكمان مقلب وحد من اصحابنا اللى فوق دول عمله فى ناس كتير كان يولع قرطاس ويحطه فى صوابع الناس اللى نايمه
فكان واحد يقوم يزعق وواحد مطنش وواحد يقوم ضاربه بالمخده وكتير من ده بقى
[size=15pt]لا اله الا الله محمد رسول الله<br />صلى الله عليه وسلم [/size]<br /><br /><br /><br />
رد: مواقف طريفة وشقية
حلوه قوي فكرة الموضوع يا كابتن
انا بقي هقولك علي موقف حصلي .... في الضياع
مره كنا انا و صحباتي مشين في الجامعه و كان في ولد بيلعب كوره ... فصحبتي قلتلي انا خيفه ان الكوره تيجي فيه فقلتلها متخفيش و بتريقه قلتلها ( don't Be wory) ... و ضحكنا و كملنا مشي ... و خير اللهم اجعلو خير ... لقيت حاجه راحت مرزوعه في رجلي و انا بصوت ... جت ازاي و منين و امتي ( انا معرفش ) ... بس الولد جيه و فضل يقولي انا اسف و قولي اللي انتي عوزاه انا مش هتكلم ... لكن انا حطيت ايدي علي بوقي و مشيت ... اهئ اهئ متكلمتش خالص
و صحابي بقي قضوها ضحك عليه .....
my future is so bright
.
.
.
I gotta wear sunglasses
رد: مواقف طريفة وشقية
هو مش موقف هو مواقف فى قلب موقف واحد .. انا كنت قبل كده بلبس نضارة .. فصباح التريقة بقى
وكل اللى عنده مسحة فكاهية ودمه عسل اسود مكرر يتسلى على أهلى فى الشارع
اللى يقول لى : لابسة النضارة على اللحم .. واللى يقول لى : دول كام
..
يا ساتر .. كانت اياااااام
رد: مواقف طريفة وشقية
حلوه اوى الفكره دى
مره انا واحد صاحبى ركبنا اتوبيس انا ركبت فى اول الاتوبيس وهو ركب فى اخره وانا بحسبه هيدفع الاجره وهو بيحسب انا هدفع الاجره والسواق بيطنط عاوز الاجره ونزلنا فى نصف الطريق ومدفعناش احنا الاتنين
رد: مواقف طريفة وشقية
روحت انا وماما وبنت خالى الصغيره 6 سنين عند جارتنا عشان نشوفهـا وجوزها نايم فى الاوضه اللى جمبنا وبيشخر ايه الجمال دة سيمفونيه
وبنت خالى سامعه صوته وهى فضوليه اوى راحت مشيت شويه وبصت عليه وفضلت واقفه شويه هو صحى وراح قايم لاقيناها بتجرى وبتقول اجروا بسرعه الراجل اللى بيصفر
من مناخيره صحىهو بالنسباالها كائن فضائى هو اصلا شبه ابو حفيظه وكمان بيشخر
كان شكلها يضحك اوى وهى بتجرى ومخضوضه كأن فى ديناصور جاى وراها
دخـول متقطـع:(
يا حى يا قيوم برحمتك أستغيث أصلح لى شأنى كله , و لا تكلنى الى نفسى طرفة عين أو أقل منها .
رد: مواقف طريفة وشقية
محتاج وقت عشان اعرف ارغى براحتى
مش بس بأيد احمد شفيق وان شاء الله هو رئيس مصر القادم
لآ
ابسولوتلى
انا كمان فلول وبحب مبارك
رد: مواقف طريفة وشقية
مره واحنا اطفال
اتفقنا انا وعيال عمى اننا نطلع حمله على الجنينه بتاعة البيت اللى جمبنا عشان كان فيها شجره توت كبيره واحنا مكنش عندنا شجرة توت فى الجنينه
المهم رحنا واتسللنا واحد ورا التانى ووصلنا للشجره وعمالين ننزل منها توت جميل وناكل على طول وفجأه طلع الغفير ولا البواب بتاع البيت وطلع ورانا
العيال كلها جريت الا انا لانى مشفتوش وهو جاى وقفشنى انا ومسكنى من هدومى زى الحرامى وانا عمال اعيط والعيال الاندال وقفوا ورا السور يتفرجوا عليا وانا مقفوش لحد ما راحوا ندهوا للبواب بتاعنا ههههههههههههه
جه وخلصنى من بلدياته التانى بس بجد بجد انا كنت هعملها على نفسى من الخضه
ومن يومها قررت مطلعش حملات تانى ابدا
يااااااااه ده الواحد كان خاربها وهو صغير
رد: مواقف طريفة وشقية
مره كنا ف رحله للهرم وقررنا نعمل خياله ونركب احصنه
الكل ركب حصانه وفجأة وف لمح البصر ببص شمال وبمبن لقيت الكل طااااااار الا انااااااا
وفضلت اعافر مع الحصان .. اشد ف اللجام مفيش فايده ... اخبط برجلي على بطنه مفيش فايده ... اضرب ف اهله مفيش فايده
يدوب اتحرك بيا مش اكتر من عشره متر
وفجأة وعلى سهوة منى لقيت الحصان بدأ ينزل رجل ويليها التانيه ولقيت نفسى قايمه وافقه على ضهر الحصان ... ليه عملت كده مش عارفه
وكانت النتيجه ان انا والحصان على الأرض وانا فعلا نايمه على ضهرى ومسخسخه من كتر الضحك
المهم بئا ان صاحب الحصان جه يجرى ونزل شتيمه فيا بالظبط كده ... يخرب بيت امك عملتى ايه ف الحصان ...
وانا طبعا مش قادره ارد من كتر الضحك وده نازل شتيمه فيا من كل لون ياباتيستا
لحد مالجماعه اللى طارو رجعولى وانا بحكيلهم على اللى حصل وانا فطسانه من الضحك ومسكنا ف ام الراجل اللى شتمنى ونزلنا فيه ضرب
لقينا بتوع الأحصنه اللى الهرم كلهم ف ثانيه واحده كانو عندنا وكان يوم مايعلم بيه الا ربنا
اللهم بارك لى فى اولادى ولا تضرهم..ووفقهم لطاعتك وارزقنى برهم
ضوابط المشاركة
أخبار | العاب | نكت | صور | كروشية | أعمال يدوية | أختبارات نفسية | رسائل للموبايل
رد مع اقتباس
مواقع النشر (المفضلة)