السلام عليكم و رحمه الله و بركاته

ازيكم يا نجعاويين و يا نجعاوييات

يا رب تكونون بخير


بفضل ربنا سبحانه و تعالي الركن البمبي عندنا ما شاء الله عليه اقبال كبير

بس انا عاوز اقلكم ان زيارات الركن البمبي وفروعه تساوي زيارات جميع اقسام الموقع كامله

واوقات كتير بتزيد عليها


وكل دا بمجهودات مشرفينا واعضائنا ربنا يعزهم يا رب ..


نخش في المفيد...

الي جاي دا انقلاب بجد

ليه بقي


الحمد لله وصلنا بعد مجهود كبير جدا

اننا نعمل ابلكيشن عالفيس بوك

وعملنا واحد فعلا بشكل تجريبي


لو حد يحب يشوفه
هتلاقيه هنا
http://apps.facebook.com/ngaawya/?ref=bookmarks&count=0


دلوقتي ايه بقي.. احنا هنعمل ان شاء الله ابلكيشن خاص بالركن البمبي....

اوبا اوباا اوببااااا

الابلكيشن دا لازم يبقي حاجه جااامدددده جدااااا و مفتكسةةةةةةة جدااااااااااااااا


( الابلكيشن بساطه هو فكره بنعملها تقدم خدمه باي شكل من الاشكال لاعضاء الفيس بوك و ميزتها انها بتنتشر بشكل واسع ما بين الاعضاء )


عموما افكار الابلكيشن لازم تبقي بسيطه اوي و لذيذه جدا علشان نضمن استمراره و الناس ما تزهقش منه


فكره الابلكيشن بشكل عام الموجود منها دلوقتي

انك بتدخل صفحه و بيقلك حاجه معينه

يعني مثلا التجربه الي احنا عاملينها دي بيقلك نكته كل ما تخش و كل يوم الابلكيشن يطلع و يقلك مش هتقري النكته بتاعه النهارده

وهكذا .. احنا نقدر نحط اعلان معاه و الدنيا بقي تبقي شتراوز الجنزبييييييل يا معنمي

حتي اننا ممكن ننشر جديد المواضيع عليها

في افكار كتير جدا ممكن نعملها عليه للترويج

لكن الاصل في الموضوع هو الفكره .. الفكره الي هتخلي الناس يبقوا عاوزين يشوفوا فعلا الابلكيشن كل شويه



ايةةةة الفكره .. دي لعبتكوا بقي يا بمبويات

انا في افكار في دماغي بس مش عاوز اقلها علشان ما يبقاش ليها تأثير علي افكاركم


خلي بالكوا اوي وانتو بتفكرواا

حطوا نفسكو مكان الي هيشوف الابلكيشن دا

هل هتكونوا مستمتعين بيه و شيفينه لذيذ!!!