السلام عليكم ورحمة الله وبركاتة

موضوعى كالتالى ثقافة الاحترام موجود عندة بين المصريين ولا لاء

بمعنى طبعا انا مش قصدى احترام اللى احنا عارفينة ان كل واحد مننا يبقا مؤدب مع التانى

لاء طبعا دى حاجة او نقطة من ضمن ثقافة الاحترام العامة

يعنى احترام المواعيد هل احنا كمصريين عندنا احترام للمواعيد :] انا اول واحدة فيكم طبعا يعنى مش

اوى من ما اسيح على نفسى

فى كمان احترام الوعد يعنى واحد وعدك انه هيخطبك وبعدين فلسع او خطيبك وعدك انه هيخرجك

وفلسع وقالك انه مشغول

وغيرة كتير انا عندى امثلة كتير بس الوقت مش هيسمح لذلك

وفى احترام الكبير للصغير يعنى فى الاتوبيس تفتكرى كام فى المية من البنات او الولاد لو شافوا راجل مسن

واقف طالع عينة فى المترو ولا فى الاتوبيس وقام وقعدة مكانة

وكمان ثقافة احترام الراى انا قلت راى وبحاول اقنعك بوجهة نظرى واللى قدامى لم يقتنع هل احنا عندنا هذا

النوع النادر من الاحترام انا بصراحة بشوف ناس بيقطعوا بعض عشان يقنعوا الاخرين برايهم

اكيد انتوا فهمتوا قصدى فى موضوع ثقافة الاحترام

ياريت اعرف منكم هل انا بظلم مجتمعنا المصرى وانه فعلا عكس الكلام دة ولا هو كدا فعلا شعب ما يعلم بية

الا ربنا

ياريت تشاركونى فى المناقشة اكون ممنونة