الموضوع: هل تقبل ان تحضر فرح حبيبتك او حبيبك ؟؟؟؟

هل تقبل ان تحضر فرح حبيبتك او حبيبك ؟؟؟؟

--------------------------------------------------------------------------------


لكل شخص قصة حب عاش فيها

وتعايش معها بكل تفاصيلها
واحداثها
ضحك منها ايااااااااام
وبكاء منها بعض الاحيان
وسعد بهاااا وحلق في عالم المحبين ايامن وليالي
ورسم خطوط للحظات اللقاء
ولكن ......!!!
بعضنا ختم هذه القصه باجمل ا لنهايات
وبعضنا انتهى حبه بالفراق
وبزواج الحبيب ... من شخص اخر


والان توقفوا معي وفكروا بكل جديه
!!!!


اذا دعتك حبيبتك او حبيبك الى حضور زواجها او زواجه !!..؟؟ هل سوف تحضر ؟؟


وبرر موقفك اذا رفضت واذكر السبب اذا وافقت الحضور ؟؟




اتمنى ان يكون النقاش بكل جديه

رد بالفيس توك يا معنمممم

بصراحة الرد صعب اوىىىىىىىى
بس لو وافقت انى احضر وكان عادى بالنسبالى تقريبا كدا يبقى انا م حبتوش خالص علشان كدا كان عادى وحضرت
لكن لو رفضت اكيد هيكون انا فعلا وصلت لدرجة حب اكيد له علشان كدا لايمكن احضر ابدا
بس لو كان فى بينا حب بجد مكنش هيفكر خالص انه يعزمنى علشان مش هيهون عليه الانسانه اللى كان فى يوم حبها بس ارادة ربنا كانت فوق كل شئ

انا ممكن احب انسانه اه

ولو حسيت ان ساعدتها مش معايا وانا بحبها بجد لازم اقف جمبها في كل خطوه في حياتها حتى لو من بعيد مش لازم اكون اناني

هي لقت الي يسعدها مش لازم اكون جلادها هقف جمبها لان ساعتها كفايه اني اشوف السعاده في عينيها

والنبي يا جماعه لما توصلوا لحل قولوا لي علشان انا محتار

بس انا في رأيي انها واحده اختارت حياتها خلاص ربنا يوفقها وهي حره ف حياتها
بس معتقدش اني ممكن احضر

اعذريني يوم زفافك مقدرتش افرح زيهم

مممممم
الموضوع هيكون صعب قوي..كمان هيبقى صراحه مش عنده احساس..
كمان اصلا يعني طالما هو حب واحده تانيه وهيتجوزها كمان يبقى المفروض انه نسيني
واصلا مكانش بيحبني من الاساس..يبقى انا هدوس على قلبي بالجزمه وهنساه
بس لو عزمني بكل بساطه هقول لا..لاني هعتبره واحد معرفوش ولا عمري شوفته قبل كده
ولا فيه اي علاقه تربطني بيه..يبقى اروح ليه؟؟!..هو انا غاويه عذاب يعني..

بس انا عندي بقه سؤال..
تخيلوا بقه لو اللي هو هيتجوزها او اللي هتتجوزه صاحبتك او صاحبك...هتعملوا ايه بقه في الحاله دي..
يعني صاحبك بيقولك احضر فرحي واللي هيتجوزها هي اللي كنت بتحبها..والعكس صحيح؟
ممكن بقه تعملوا ايه في الحاله دي؟؟!

نفس الكلام اكيد لو صحبه يكون عارف كل حاجه عنه
يعني هيكون عارف العلاقه الي بين صحبه و الانسان الاخر او الانسانه الاخري ( الحبيب )
وده طبعا مينفعش يتقال عليه صديق او صديقه :to2to2:

طيب فرضا ان الصديق ده ميعرفش ....
يعني كنت مخبي عليه احساسك اتجاه الشخصه دي او الشخص ده ..
ممكن رد الفعل يكون ايه بقه؟؟!

انا بصراحه لو حصلى الموقف دا لا قدر الله طبعا مش ممكن احضر سواء الواحده اللى هيتجوزها حبيبى اعرفها او لا
لانه اكيد لو حضرت هفضح نفسى لانى اكيد مش هقدر اشوف حبيبى مع واحده غيرى ودموعى متنزلش منى وبعدين انا اصلا لو سمعت انه بس عرف واحده غيرى مش اتجوزها همووووت
انا بصراحه مش معاك يا ميزو فى رايك انا شايفه ان الحب انانيه يعنى انا مقدرش اتمنى لحبيبى السعاده مع حد غيرى ابدا يمكن رايى غلط ولو حصلى كدا لاقدر الله انا افضل ادعى عليه لحد ربنا مايخرب بيته

نسيت اشكرك يا ميزو على الموضوع الجميل دا

يا جماعه انا ليه واحد صاحبي هوه عارف نفسه ومعانا في المنتدي هنا
واقع في المشكله دي بس المشكله ان الانسانه دي زميلتنا في الكليه وفي الجروب معانا كمان يعني اكتر من اختنا
بس هيه عزمت الكل علي الفرح طب هوه يعمل ايه بقي والنبي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عادي جدا...مايروحش ومحدش يقوله لا مايصحش...لانه اكيد هيتعذب..
احسنله مايروحش..ده رايي..