انا النهارده وانا بفتح الموقع لقيت عندي في الرسايل رساله مقتضبه من اخونا حمد كاتب لي فيها الايميل بتاعه وطبعا مكدبتش خبر رحت ضايف الايميل بتاعه في القايمه بتاعتي وكان هو اون لاين


الاول قلتله انا مين واتكلمنا والكلام اخدنا وبدانا نتكلم عن كتاباتنا وشخصيتنا في المنتدى

بصراحه انا كنت شياف في حمد الشخص المثقف المتواضع الذي يحب الجميع في المنتدى والاخ للجميع هنا ولما اتكلمنا على الماسنجر

كانت في مفاجأه بالنسبه لي وهي ان حمد شايف فيا حاجات كتيره اوي انا مش شايفها في نفسي (حاجات حلوه)ومازلت مش مقتنع ان انا كده

شفت شخص لذيذ ميتشبعش منه وبصراحه كنت مستغرب ازاي هوه من دول الخليج والتي تشتهر بعدم الحب للمصريين ومع ذلك فهو قلبا وقالبا مع المصريين وبيلتحم بقضاياهم وبيتفاعل معاهم وبيزعل من اي محاوله للنيل من مصر ومن شعبها


ولكني من خلال المحادثه عرفت كيف يمكن ان يكون حمد بكل هذه الصفات

عرفت حينما تكلم معي عن صديق له (للاسف هوه مش معانا هنا في المنتدى فانتم متعرفهوش)وانظروا معي للصفات التي وصف بها حمد صديقه

اروع انسان ... طيب و خلوق و محترم و خايف ربنا اوى خفيف الدم اوى شخصيه محترمه جدا

قلت له يا حمد صاحبك ده محظوظ ان ليه صديق شايف في صاحبه كل الصفات الحلوه دي

وكمان عرفت ازاي حمد شاف في الحاجات الحلوه اللي انا مكنتش شايفها في نفسي دي وازاي انه بيحب المصريين ومتعلق بيهم

افتكرت قو ماثور عن احد الحكماء
كن جميلا ترى الوجود جميلا


نعم يا اصدقائي هذا هو جمال الروح الذي يتميز به صديقنا حمد والذي يتميز به كل اعضاء المنتدى الذين اتمنى ان اكتب عن كل منهم موضوعا يكشف له عما في قلبي

اسمحلي يا حمد اهديلك باقه ورد ولو ان هي قليله عليك

دي كانت الفكره الصغيره اللي شفتها عن حمد وان شاء يكون في كلام اكتر عندما القاه على ارض مصر الحبيبه او يقدر لي الله اني اقابله في اي مكان في الارض


سلام