اقدم لكم اليوم الحلقة الاولى من حلقات يوميات عاطل . . . واللى بتكون حلقات منفصلة . . . كل حلقة تختص بموضوع . . . وغالبيتها بتحكى عن شاب عاطل اللى هو انا . . . . وطبعا الحلقات كلها هاتبقى تأليف × تأليف ( يعنى مالهاش علاقة بالواقع ) . . . يارب تعجبكوا




موضوع منغص عليا حياتى

انا كنت ماشى فى الشارع من يومين كدة وفجأة وبدون سابق انذار لقيت كلب

شكلة كدة احول جاى يجرى عليا بسرعة قوى طبعا انا حاطيط ديلى فى

سنانسى وطيران فى قلب الشارع ومش عارف مع انه كلب بلدى من الهبل الى

سارحين فى الشوارع دول الا انه تجرأ وجرى ورايا انا بالذات.


المهم لقيت بوابة عمارة قدامى ماستنتش ورحت راشق فيها لكن للاسف البوابة

طلعت باب واحد بس الباب اللى قدامة متشال انا مش عارف السكان الزبالة

سايبنها بايظة لية؟ المهم الكلب دخل ورايا البوابة وانا كملت جرى على السلم

ولقيت باب عيادة من اللى هوة ادفع هواء مكيف دة فدخلت من غير حتى ما اعرف

دى عيادة اية وقعدت على كرسى من غير مااتكلم مع حدوسط نظرات عجيبة من

التمرجى المهم قعدت 5 دقايق لحد مالكلب يزهق ويمشى فسمعت صوتة من

فبصيت من بلكونة العيادة لقيت عيال صغيرة بتجرى بسرعة والكلب بيجرى برضة

لكن للاسف ,,,,


الكلب كان بيجرى قدامهم !!!! آآآآآآآآآآآآآآآآآة
طبعا رحت فاتح باب العيادة ونازل من غير ما اكلم حد حتى التمرجى ماسالنيش



انا عايز اية وبصيت على باب العيادة لقيتها عيادة امراض نسا فعرفت لية التمرجى ماكلمنيش !!


ماعلينا انا كل اللى حازز فيا هو منظرى وانا عمال اجرى قدام الكلب والناس عمالة

تضحك عليا وكمان منظر العيال وهما بيجروا وراة . . . . طب اشمعنى انا يعنى؟؟!

حد بقى يشوفلى دكتور نفسى احسن انا دلوقتى نفسيتى فى الحضيض





آآآآآآآآآآآآآآآآآآآآآآآآآ آآآآآآآآآآآآآآآآآآآآآة



والى اللقاء ى حلقة قادمة من . . . يوميات عاطل