ازيكو يا جماعة .. ايه اخباركم يا رب تكونوا كلكووو بخير
انا بس جه فى بالى فكرة او موضوع صغير كدا لازم نحطه قدام عينينا على طول
وهو اننا نستشعر عظمة ربنا
بجد يا جماعة لو احنا عرفنا نستشعر عظمة ربنا وكل لما نعمل اى فعل نكون متاكدين ان ربنا شيفنا ف هنرجع على طول من الفعل ده اذا كان وحش

مثلا سؤال .. ايه اللى بيجى فى بالنا لما نكون قاعدين لوحدنا والبيت كللله فاضى ...؟؟؟
فى ناس تفكر فى المعصية وتقوم بالفعل ترتكبها وفى ناس تانية ربنا يبارك فيهم يعرفوا ان ربنا شيفهم ومطلع عليهم ف حتى لو فكروا فى حاجة يرجعوا على طول عن تفكيرهم ويستغفروا ربنا وكدا

ولازم نحط بيتين الشعر دول قدامنا على طول

اذا ما خلوت الدهر يوما فلا تقل خلوت ولكن قل على رقيب
ولا تحسبن الله يغفل ساعة ولا انما تخفيه عنه يغيب

ونحط قدام عينينا دايما ( الله معى الله ناظرى الله مطلع على )
بجد يا جماعة والله لو احنا عملنا كدا هنتغير صدقونى هنتغير للاحسن والله
وهنعرف ان ربنا شيفنا ف مش هنعمل اى شىء يغضبه
يا رب ارزقنا خشيتك فى السر والعلن
اللهم اجعلنا نعظمك حق عظمتك ونخشاك حق خشيتك آ مين يا رب العالمين

ومعلش بقى يا جماعة الموضوع محتاج اكتر من كدا بس اسلوبى رخم خالص
بس دا اللى انا اقدر اعمله
وبكرر تانى متاسف لان اسلوبى مش اد كدا
بس والله الكلام اتمنى من الله انه يكون خرج من قلبى فاساله سبحانه ان يدخل قلوبكم